އިސްލާމިކް މިނިސްޓރީން ކުރިއަށް ގެންދާ އޯގާ ކޭމްޕް އއ. އަތޮޅުގައި ފަށައިފި
17 ފެބުރުއަރީ 2019 | އާދީއްތަ 11:23އޯގާ ކޭމްޕް ކުރިއަށް ދާނީ ފެބުރުއަރީ މަހުގެ 17 އިން މިމަހުގެ 25 އަށް
ދީނީ ޚިޔާލު ތަފާތު ކުރުންތަކުން އެއްކިބާކޮށް އެއްބައިވަންތަ ކަމާއި ސުލްހަ މަސްލަސްކަން ގާއިމް ވެފައިވާ މުޖުތަމައެއް ބިނާ ކުރުމަށްޓަކައި މިނިސްޓްރީއޮފް އިސްލާމިކް އެފެއާޒާއި މޯލްޑިވް ޕޮލިސް ސާރވިސް ގުޅިގެން ކުރިއަށް ގެންދާ "އޯގާ ކޭމްޕް" އއ. އަތޮޅުގައި ފަށައިފިއެވެ.
އިސްލާމިކް މިނިސްޓްރީން ބުނީ ދީނީ ޚިޔާލު ތަފާތު ކުރުންތަކުން އެއްކިބާކޮށް އެއްބައިވަންތަ ކަމާއި ސުލްހަ މަސްލަސްކަން ގާއިމް ވެފައިވާ މުޖުތަމައެއް ބިނާ ކުރުމަށްޓަކައި ކުރިއަށް ގެންދާ މިކެމްޕް ކުރިއަށް ގެންދިއުމަށް ހަމަޖެހިފައި ވަނީ ފެބުރުއަރީ މަހުގެ 17 އިން މި މަހުގެ 25 ކަމަށެވެ.
މި ކޭމްޕްގެ ހަރަކާތްތައް ބޭއްވުމަށް ހަމަޖެހިފައި ވަނީ އއ. އުކުޅަހާއި އއ. ހިމަންދު އާއި، ހއ. މާޅޮހުގައި ކަމަށެވެ.
އެއް ހަފްތާގެ މުއްދަތަށް ކުރިއަށް ގެންދާ މި ކޭމްޕްގައި މުޖުތަމައުގެ ތާފަތު ގިންތިތަކަށް އަމާޒްކޮށްގެން ހޭލުންތެރި ކުރުމަށް ތަފާތު ހަރަކާތްތަށް ބޭއްވުމަށް ހަމަޖެހިފައިވާ ކަމަސް އިސްލަމިކް މިނިސްޓްރިން މައުލޫމާތު ދެއެވެ.
އެގޮތުން ކުރިއަށް ގެންދާ ހަރަކާތްތަކުގައި ސަރުކާރުގެ މުވައްޒަފުންނާއި ސްކޫލުތަކުގެ ދަރިވަރުންނާއި އަދި އާންމުންނަށް އަމާޒްކުރެވިގެން ތަފަތު ޕްރޮގްރާމްތަށް ހިންގުމަށް ހަމަޖެހިފައިވާ ކަމަސްވެސް އެ މިނިސްޓްރީން ބުނެއެވެ.
