އިންޑިއާއިން ޕާކިސްތާނު އެކަހެރިކޮށްލާނަން
17 ފެބުރުއަރީ 2019 | އާދީއްތަ 03:38އިންޑިއާއިންދަނީ އެ ހަމަލާގެ ފަހަތުގައި ޕާކިސްތާން އޮތްކަމުގެ ސާބިތުހެކި ހުރިކަމަށް ބުނަމުން
ބުރާސްފަތި ދުވަހު ދިން ހަމަލާގައި 46 މީހުން މަރުވި
ކަޝްމީރުގެ އިންޑިއާއާވީ ފަޅީގައި ދިން ޖާނުން ފިދާވުމުގެ ހަމަލާއެއްގައި އިންޑިއާގެ ޕެރަމިލިޓަރީ ފުލުހުންގެ 46 މީހުން މަރާލި ހާދިސާއަށް ފަހު ޕާކިސްތާނު މުޅިން އެކަހެރި ކޮށްލާނެ ކަމަށް އިންޑިއާއިން ބުނެފިއެވެ.
އިންޑިއާއިން ދަނީ އެ ހަމަލާގެ ފަހަތުގައި ޕާކިސްތާން އޮތްކަމުގެ ސާބިތު ހެކި ހުރި ކަމަށް ބުނަމުންނެވެ. ނަމަވެސް އެެއްވެސް ހެއްކެއް ދައްކާފައެއް ނުވެއެވެ.
ޕާކިސްތާނުގައި ގާއިމުވެފަައިވާ ޖައިޝޭ މުހައްމަދު ގްރޫޕުން ދިން އެ ހަމަލާގައި އެ ގައުމުގެ އެއްވެސް އަތެއް ނުވާކަމަށް ޕާކިސްތާނުން ދަނީ ބުނަމުންނެވެ.
ބުރާސްފަތި ދުވަހު ދިން ބޮމުގެ ހަމަލާއަކީ އެ ސަރަހައްދުގައި އިންޑިއާގެ ފައުޖުތަކަށް އަމާޒުކޮށް ވޭތުވެދިޔަ 30 އަކަށް އަހަރުގެ ތެރޭގައިވެސް ދެވުނު އެންމެ ގެއްލުން ބޮޑު ހަަމަލާއެވެ.
ސަރަހައްދީ ސަރުކާރުގެ މިނިސްޓަރ އަރުން ޖައިތްލީ ވިދާޅުވީ ބައިނަލްއަގްވާމީ މުޖުތަމައުން ޕާކިސްތާން އެެކަހެރި ކޮށްލުމަށް އެޅެން އޮތް ކޮންމެ ފިޔަވަޅެއް އަޅުއްވާނެކަމަށެވެ.
ނަމަވެސް ޕާކިސްތާނުގެ މިނިސްޓަރަކު ވަނީ ހެކި ހުރިނަމަ ހާމަކުރުމަށް ގޮވާލައްވާފައެވެ. އަދި ތަހުގީގުގައި އެހީތެރިވުމަށްވަނީ ހުށަހަޅުއްވާފައެވެ.
ކަޝްމީރުގެ އިންޑިއާއި ވީ ފަޅީގައި 1980ގެ އަހަރުތަކުން ފެށިގެން ނުތަނަވަސްކަން އުފެދިފައިވާއިރު ހަމަނުޖެހުން ހިނގަންފަށާފައިވަނީ ވޭތުވެދިޔަ 30 އަކަށް އަހަރުގެ ތެރޭގައެވެ.
