ފްރޮސްނޯން އާއި ދެކޮޅަށް ކުޅުނު މެޗު ކާމިޔާބުކޮށް އިޓާލިއަން ސެރީއާގެ ތާވަލަުގެ އެއްވަނާގައި ޖުވެންޓަސް ހަމަޖެހިލައިފިއެވެ. 

ހުކުރުދުވަހުގެ ރޭ ޖުވެންޓަސްގެ ދަނޑުގައި ކުޅުނު މެޗު ޖުވެންޓަސް ކާމިޔާބު ކުރީ 3-0 ކުންނެވެ. 

ދެ ޓީމުގެ ފަރާތުން ރަނގަޅުކުޅުމެއް ފެނިގެންދިޔައިރު، ގިނަވަގުތު ބޯޅަ ކޮންޓްރޯލް ކޮށްގެން ކުޅެފައިވަނީ ޖުވެންޓަސްއިންނެވެ. 

ފުރަތަމަ ހާފް ފެށިގެން މާގިނައިރުތަކެއްނުވެ މެޗުގެ ހަވަނަ މިނެޓުގައި ކްރިސްޓިއާނޯ ރޮނާލްޑޯގެ އެހީތެރިކަމާއިއެކު ޕައުލޯ ޑީބާލާ ޖުވެންޓަސްގެ ފުރަތަމަ ލަނޑު ކާމިޔާބު ކޮށްދިނެވެ. 

ޖުވެންޓަސްގެ ފުރަތަމަ ލަނޑާއެކު ހަމަލާތައް އިތުރަށް ވަރުގަދަަކޮށް ފޮރޮސްނޯންގެ ގޯލަށް ފުލުފުލުގައި ހަމަލާދެމުންދިޔައެވެ. ނަތީޖާއެއްގެ ގޮތުން މެޗުގެ 17 ވަނަ މިނެޓުގައި ސާމީ ކެދީރާގެ އެހީތެރިކަމާއިއެކު، ލެނާޑޯ ބައުންސީ ޖުވެންޓަސްގެ ދެވަނަ ލަނޑު ޖަހާ މެޗުގެ ލީޑް ފުޅާ ކޮށްދިނެވެ. 

ފުރަތަަމަ ހާފް ނިމުނުއިރު ނަތީޖާއަކީ ޖުވެންޓަސް ދޭއް، ފޮރޮސްނޯން ސުމެކެވެ. 

ދެވަަނަ ހާފް ފެށިގެން ދެޓީމްގެ ކުޅުން ރަނގަޅުކޮށް، ފޮރޮސްނޯންއަށް ލަނޑުޖަހާނެ ރަނގަޅު ފުރުސަތުތަކެއް ލިބި ވަނީ ބޭކާރުވެފައެވެ. 

މެޗުގެ 63 ވަނަ މިނެޓުގައި މާރިއޯ މެންޑްޒޫކިކްގެ އެހީތެރިކަމާއެކު ޖުވެންޓަސްގެ ތިންވަނަ ލަނޑު ކާމިޔާބު ކޮށްދިނީ ޓީމުގެ ތަރި ކްރިސްޓިއާނޯ ރޮނާލްޑޯއެވެ. 

މެޗުގެ ފުރިހަމަ ވަގުތު ހަމަވިއިރު ދެޓީމަށް ވެސް ލަނޑުޖަހާނެ ރަނގަޅު ފުރުސަތުތަކެއް ވަނީ ލިބިފައެވެ. 

މެޗު ނިމުނިމުންއިރު ނަތީޖާއަކީ ޖުވެންޓަސް ތިނެއް، ފްރޮސްނޯން ސުމެކެވެ.