ޕްރައިވަޓައިޒޭޝަން ބޯޑާއި ޕޭ ކޮމިޝަނުގެ ސެކްރެޓޭރިއަޓް އުފައްދަވައިފި
14 ފެބުރުއަރީ 2019 | ބުރާސްފަތި 15:25މިދެތަން ހިންގަމުންދަނީ ފިނޭންސް މިނިސްޓްރީގެ ދަށުން
ރައީސުލްޖުމްހޫރިއްޔާ އިބްރާޙިމް މުހައްމަދު
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުގެ ސެކްރެޓޭރިއަޓް" އާއި "ނޭޝަނަލް ޕޭ ކޮމިޝަނުގެ ސެކްރެޓޭރިއަޓް" ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު އުފައްދައިފިއެވެ.
ރައީސް އޮފީހުން ބުނީ މިމަހުގެ 12 ވަނަ ދުވަހު "ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުގެ ސެކްރެޓޭރިއަޓް" އުފައްދަވާފައި ވަނީ ޤާނޫނު ނަންބަރު 3/2013 (ދައުލަތުގެ ވިޔަފާރި ތަންތަން ޕްރައިވަޓައިޒްކުރުމާއި ކޯޕަރަޓައިޒްކުރުމާއި އަދި މޮނިޓަރކޮށް އިވެލުއޭޓްކުރުމުގެ ޤާނޫނު) ގެ 17 ވަނަ މާއްދާގެ (ށ) ގެ ދަށުން ކަމަށެވެ.
އަދި "ނޭޝަނަލް ޕޭ ކޮމިޝަނުގެ ސެކްރެޓޭރިއަޓް" އުފައްދަވާފައި ވަނީ ޤާނޫނު ނަންބަރު 11/2016 (ދައުލަތުގެ މުސާރައިގެ ސިޔާސަތުގެ ޤާނޫނު) ގެ 13 ވަނަ މާއްދާގެ ދަށުން ކަމަށް ވެސް ރައީސް އޮފީހުން ބުންޏެވެ.
މި ދެތަން ހިނގަމުންދާނީ މިނިސްޓްރީ އޮފް ފިނޭންސްގެ ދަށުންކަމަށް ވެސް ރައީސުލްޖުމްހޫރިއްޔާ ވަނީ ކަނޑައަޅުއްވާފައެވެ.
