އިލެކްޝަންސް ކޮމިޝަންގެ މެމްބަރުކަމަށް ކުރިމަތިލުމަށް ހުޅުވާލައިފިއެވެ.
ރައީސް އޮފީހުން ކޮށްފައިވާ އިއުލާނެއްގައި ބުނެފައި ވަނީ ބުދަ ދުވަހުން ފެށިގެން މި މަހުގެ 20 ވަނަ ދުވަހާ ހަމައަށް އެ ކަމިޝަނުގެ މެމްބަރުކަމަށް ޝައުގުވެރިވާ ފަރާތްތަކުން އެ މަގާމަށް ކުރިމަތި ލުމަށް ހުޅުވާލާ ކަމަށެވެ.
އިލެކްޝަންސް ކޮމިޝަންގެ މެމްބަރުކަމަށް އެދޭ ފޯމު ރައީސް އޮފީހުގެ ރިސެޕްޝަނުން ލިބޭނެއެވެ.
އީސީގެ މެމްބަރު ކަމަށް ހުޅުވާލާފައި މިވަނީ އެ ކޮމިޝަނުގެ މެމްބަރު އިސްމާއިލް ހަބީބު، މެމްބަރު ކަމުގެ ދައުރު އަންނަ މަހުގެ 13 ވަނަ ދުވަހު ހަމަވާތީއެވެ.
އީސީގެ ފަސް މެމްބަރުން ތިއްބަވައެވެ. އެއީ (އީސީ) ގެ ރައީސް އަހުމަދު ޝަރީފާއި ކޮމިޝަންގެ ނައިބު ރައީސް އަމްޖަދު މުސްތަފާ މެމްބަރު އިސްމާއިލް ހަބީބާއި މެމްބަރު އަހުމަދު އަކްރަމާއި އަލީ ނަޝާތެވެ.