ކ. މާލެ
|
8 ފެބްރުއަރީ 2019 | ހުކުރު 19:55
ފްލެމެންގޯގެ ކުޅުންތެރިންތަކެއް ހިތާމަފާޅުކުރަނީ
ފްލެމެންގޯގެ ކުޅުންތެރިންތަކެއް ހިތާމަފާޅުކުރަނީ
ރޮއިޓަރސް
އަލިފާނުގެ ހާދިސާ
ފްލެމެންގޯގެ ޓްރެއިނިން ސެންޓަރުގައި އަލިފަން ރޯވެ 10 މަރު
 
ހާދިސާގައި މަރުވެފައި ވަނީ ޔޫތް ޓީމްގެ ކުޅުންތެރިން

ބްރެޒިލްގެ ވެރިރަށް ރިއޯ ޑި ޖެނީރޯގައި ހުންނަ ފްލެމެންގޯ ފުޓްބޯޅަ ކްލަބުގެ ޓްރެއިނިން ސެންޓަރުގައި އަލިފާން ރޯވެ ދިހަ މީހަކު މަރުވެއްޖެއެވެ.

ރިޕޯޓްތައް ބުނާ ގޮތުގައި ނީނޯ ޑި އުރުބޫ ކިޔާ މި ސެންޓަރުގައި އަލިފާން ރޯވެފައިވަނީ އެ ކްލަބުގެ ޔޫތު ޓީމް ނިދަން ތިބި ބްލޮކްގައެވެ. އަދި މި ހާދިސާގައި 10 ކުދިން މަރުވެ ތިން ކުއްޖަކު ވަނީ ޒަޚަމްވެފައެވެ. މަރުވި ކުދިން މިހާތަނަށް ދެނެގަނެވިފައި ނުވާއިރު، އެ ބޮލްކް ހާއްސަ ކޮށްފައި ވަނީ އެ ޓީމްގެ އުމުރުން 14 އަހަރާއި 17 އަހަރާއި ދެމެދުގެ ކުދިންނަށް ކަމަށް ކަމާއިބެހޭ ފަރާތްތަކުން ވަނީ ރިޕޯޓްކޮށްފައެވެ.
 

 

މި ހާދިސާ ހިނގަން ދިމާވި ސަބަބު އަދި ހޯދިފައި ނުވާއިރު ކަމާއިބެހޭ ފަރާތްތައް ދަނީ މި ހާދިސާ ތަހުޤީޤު ކުރަމުންނެވެ.

ހުކުރު ދުވަހު މި ހާދިސާ ހިނގިއިރު، ޓްރެއިނިންގ ސެންޓަރުގެ ޚިދުމަތްތަކުގެ ފެންވަރު ރަނގަޅު ކުރުމަށް 6.2 މިލިއަން ޑޮލަރު ހޭދަކޮށްގެން ކުރިއަށްގެންދިޔަ މަރާމަތަށް ފަހު އެ ޓްރެއިނިން ސެންޓަރު ހުޅުވާފައި ވަނީ މީގެ ދެމަސް ކުރިންނެވެ.

ޔޫތު ޓީމްގެ އެކޮމޮޑޭޝަންގެ އިތުރުން އެ އިމާރާތުގައި ޕާކަކާއި، ޖިމަކާއި، މެޑިކަލް ސެންޓަރެއްގެ އިތުރުން ކުޑަ ސްޓޭޑިއެމެއްވެސް ވަނީ ހަދާފައެވެ.  

މި ހާދިސާގެ ހަބަރު ލިބުމާއި އެކު އެ ޓީމަށް ކުރިން ކުޅުން އަދި ރިއާލް މެޑްރިޑަށް މިހާރު ކުޅެމުން އަންނަ ވިނިޝަސް ޖޫނިއާ ވަނީ ހިތާމަފާޅުކޮށް، ހާދިސާގައި ގެއްލުންވި ފަރާތްތަކުގެ އާއިލާތަކަށް ތައުޒިޔާ ފޮނުވާފައެވެ.

 

އަދި މީގެ އިތުރުން ދުނިޔޭގެ ގިނަ ފުޓްބޯޅަ ކްލަބްތަކަކުން ވަނީ ހިތާމައިގައި ބައިވެރިވެފައެވެ.  

 

 

 

ފްލެމިންގޯ ކްލަބަކީ ބްރެޒިލް އިތުރުން ދުނިޔޭގައިވެސް އެންމެ ގިނަ ބަޔަކު ސަޕޯޓްކުރާ ބްރެޒިލްއަށް ނިސްބަތްވާ ކްލަބެވެ. އެ ކްލަބް ވަނީ ކޮޕަ ލިބެރްޓަޑޯރެސްގެ އިތުރުން އިންޓަނޭޝަނަލް ކަޕްވެސް ކާމިޔާބުކޮށްފައެވެ. 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އިސްމާއިލް ނާއިލް ނަޝީދު
0%
0%
100%
0%
0%
0%
ކޮމެންޓް