އޭޕްރީލް މަހުން ފެށިގެން މާލެއެކޭ އެއް އަގެއްގައި ހުރިހާ ރަށަކުން ކާޑުގެ ބާވަތްތައް ގަންނަން ލިބޭނެ: ރައީސް
7 ފެބުރުއަރީ 2019 | ބުރާސްފަތި 05:38ސަރުކާރުން ފޯރުކޮށްދޭ ޚިދުމަތްތަކުގައި ރައްޔިތުންގެ މެދުގައި ހަމަހަމަ އުސޫލް ގާއިމުކުރުމަކީ މި ސަރުކާރުގެ އެންމެ އިސް އެއް ސިޔާސަތު
ރައީސް އިބްރާހިމް މުހައްމަދު ސޯލިހް ރިޔާސީ ބަޔާން އިއްވަވަނީ
އޭޕްރީލް މަހުން ފެށިގެން މާލެއެކޭ އެއް އަގެއްގައި ހުރިހާ ރަށަކުން ކާޑުގެ ބާވަތްތައް ގަންނަން ލިބޭނެ ކަމަށް ރައީސް އިބްރާހިމް މުހައްމަދު ސޯލިހް ވިދާޅުވެއްޖެ އެވެ.
ރައްޔިތުންގެ މަޖިލީހުގެ ޖަލްސާތައް ފެށުމަށް ބޭއްވި ޖަލްސާގައި ރިޔާސީ ބަޔާން އިއްވަމުން ރައީސް ސޯލިހް ވިދާޅުވީ ސަރުކާރުން ފޯރުކޮށްދޭ ޚިދުމަތްތައްކުގައި ރައްޔިތުންގެ މެދުގައި ހަމަހަމަ އުސޫލް ގާއިމުކުރުމަކީ މި ސަރުކަރުގެ އެންމެ އިސް އެއް ސިޔާސަތު ކަމަށެވެ. އެގޮތުން މާލެއެކޭ އެއް އަގެއްގައި ރާއްޖޭގެ ހުރިހާ ރަށެއްގައި ވެސް އޭޕްރީލް މަހުން ފެށިގެން ކާޑު އަގު ހެޔޮވެގެންދާނެ ކަމަށް ރައީސް ވިދާޅުވި އެވެ.
އެމަނިކުފާނު ވިދާޅުވީ އޭރުން މާލެއާ އެއް އަގެއްގައި ހުރިހާ ރަށަކުން ވެސް ކާޑުގެ ބާވަތްތައް ގަންނަން ލިބޭނެ ކަމަށެވެ.
ކާޑުގެ ބާވަތްތަކަށް ދެމުން ގެންދިޔަ ސަބްސިޑީސް ކަނޑާލައި، ކާޑުގެ ބާވަތްތަކުގެ އަގު ބޮޑުކޮށްފައިވަނީ ނިމިގެންދިޔަ ސަރުކާރުންނެވެ. އަދި އެ ސަރުކާރުން ވަނީ އެކި ޒޯންތަކުގައި ކާޑު ވިއްކާ އެކި އަގުތަކެއް ކަނޑައަޅާފަ އެވެ.
