ފަރު މަސްވެރިކަމަށް ގޮސް އުޅުނު ދޯންޏެއް ފަރަށް އަރައިފި
2 ފެބުރުއަރީ 2019 | ހޮނިހިރު 07:27ދޯނި ފަރަށް އަރައިފައިވަނީ ގްރޭންޑް ޕާކް ކޮށްދިއްޕަރު ރިސޯޓުގެ އުތުރުން 4.5 މޭލަށް
ފަރަށް އެރިދޯނި
ފަރު މަސްވެރިކަމަށް ގޮސް އުޅުނު "މިތުރާ 5" ނަމަކަށް ކިޔާ ދޯންޏެއް ފަރަށް އަރައިފިއެވެ.
އެމްއެންޑީއެފުން ބުނެފައި ވަނީ މި ހާދިސާގެ މަޢުލޫމާތު ލިބިފައިވަނީ ހުކުރު ދުވަހުގެ ރޭ 22:10 ހާއިރު ކަމަށާއި މި ހާދިސާގެ މަޢުލޫމާތު ލިބުމާއެކު އެމްއެންޑީއެފް ކޯސްޓްގާޑުގެ ސިފައިން ވަނީ ޑައިވަރުންގެ ޓީމަކާއެކު ހަރަކާތްތެރިވާން ފަށައިފައި ކަމަށެވެ. ދޯނީގައި ތިބި 13 މީހުން، ރޭ 03:25 ހާއިރު ވަނީ އެމްއެންޑީއެފުން މާލެ ގެނެސްފައެވެ. "މިތުރާ 5" ނަމަކަށް ކިޔާ ދޯނި ފަރަށް އަރައިފައިވަނީ ގްރޭންޑް ޕާކް ކޮށްދިއްޕަރު ރިސޯޓުގެ އުތުރުން 4.5 މޭލަށް ކަމަށް އެމްއެންޑީއެފުން ބުނެއެވެ.
ހާދިސާގައި ފަރަށް އެރި ދޯނި ފުން ކުރުމުގެ މަސައްކަތް އެމްއެންޑީއެފް ކޯސްޓްގާޑާއި ދޯނީގެ ވެރިފަރާތާ ގުޅިގެން ދަނީ ކުރަމުންނެވެ. މި ހާދިސާގައި ދޯނީގައި ތިބި އެއްވެސް މީހަކަށް ގެއްލުމެއް ލިބިފައެއް ނުވެއެވެ.
