އެމެރިކާގެ ބައެއް ސްޓޭޓްތައް އެންޓާޓިކާއަށްވުރެ ފިނިވެދާނެ
31 ޖެނުއަރީ 2019 | ބުރާސްފަތި 05:3690 މިލިއަން މީހުން އުޅެން ޖެހިފައިވަނީ 17- ޑިގްރީ ސެލްސިއަށްވުރެ ދަށުގައި
އެމެރިކާގެ 250 މިލިއަނެއްހާ މީހުންނަށް އުޅެންޖެހިފައިވަނީ ސުން ޑިގްރީއިން ދަށުގެ ފިނީގައި
އެމެރިކާގެ މިޑްވެސްޓް ސަރަހައްދަށް އާކްޓިކް ސަރަހައްދާ އެއް މިންވަރަކަށް ފިނިހޫނުމިން ދަށަށްގޮސް މަރުވި މީހުންގެ އަދަދު މަދުވެގެން ހަތަކަށް އަރައިފިއި ކަމަށް އެ ގައުމުގެ އޮފިޝަލުން ބުނެފިއެވެ.
ޝިކާގޯގައި ފިނިހޫނުމިން 30- ޑިގްރީ ސެލްސިއަސް އަށް ވެއްޓިފައިވާއިރު ނޯތު ޑަކޯޓާގައި ފިނިހޫނުމިންވަނީ -37 ޑިގްރީ ސެލްސިއަސް ވެއްޓިފައެވެ.
އެމެރިކާގެ 250 މިލިއަނެއްހާ މީހުންނަށް ސުން ޑިގްރީއިން ދަށުގެ ފިނީގައި އުޅެންޖެހިފައިވާއިރު 90 މިލިއަން މީހުން އުޅެން ޖެހިފައި ވަނީ 17- ޑިގްރީ ސެލްސިއަށް ވުރެ ދަށް ފިނިހޫނުމިނެއްގައެވެ.
ބުދަ ދުވަހު ގްރޭޓް ލޭކްސް ސަަރަހައްދާއި ނިއު އިންގްލެންޑް ސަރަހައްދަށް މެދުކެނޑުމެއް ނެތި ސްނޯ ފައިބާނެ ކަމަށް ވަނީ ލަފާކުރެވިފައެވެ.ވިސްކޮންސިންއަށް 24 އިންޗިއަށް ސްނޯ ފައިބާނެ ކަމަށް ލަފާކުރެވިފައިިވާއިރު އިލިނޮއިސްއަށް 6 އިންޗިއަށް ސްނޯ ފައިބާނެ ކަމަށް ލަފާކުރެވެއެވެ.
މިޑްވެސްޓަރން ވިސްކޮންސިންއާއި، މިޝިގަން އަދި އިލިނޮއިސްގެ އިތުރުން އާއްމުކޮށް ހޫނު ސަރަހައްދުތައް ކަމަށްވާ އަލަބަމާއާއި މިސިސިޕީގައިވަނީ ކުއްލިހާލަތު އިއުލާނު ކޮށްފައެވެ.
އެމެރިކާގެ މޫސުމާބެހޭ އިދާރާ، ނޭޝަނަލް ވެދަރ ސަރވިސްގެ މީޓިއޮރޮލޮޖިސްޓް ރިކީ ކާސްޓްރޯ ވިދާޅުވީ މިއީ އެ ގައުމުގެ ތާރީޚުގައި މިހާބޮޑަށް ފިނިހޫނުމިން ދަށަށް ދިޔަ ފުރަތަމަ ފަހަރުކަމަށް ވެދާނެ ކަމަށެވެ.
\
