ރާޅުގަނޑު ސަރަހައްދަށް ގިނަ އަދަދެއްގެ ހިލަ ލައްގައިފި
އެ ހިލަތައް އެއްވީ ބްރިޖުގެ މަސައްކަތް ކުރުމުގެ ތެރޭގައި
ލައިޝާ އަހްމަދު | 30 ޖެނުއަރީ 2019 | ބުދަ 11:50
ރާޅުގަނޑު ސަރަހައްދު | ރާއްޖެއެމްވީ
ރާޅުގަނޑު ސަރަހައްދަށް ގިނަ އަދަދެއްގެ ހިލަ ލައްގައި އެ ސަރަހައްދު ހިލައިން ފުރާލައިފިއެވެ.
އެކަމާ ގުޅިގެން "ރާއްޖެއެމްވީ"އަށް މައުލޫމާތު ދެއްވަމުން އެންވައިރަމެންޓަލް ޕްރޮޓެކްޝަން އޭޖެންސީ (އީޕީއޭ)ގެ ޑައިރެކްޓަރ ޖެނެރަލް އިބްރާހިމް ނައީމް ވިދާޅުވީ، އެއްވަމުންދާ ކުދި ހިލައަކީ ބްރިޖު އެޅުމުގެ މަސައްކަތް ކުރުމުގެ ތެރޭގައި އެ ސަރަހައްދަށް އެއްވެފައިވާ ތަކެތި ކަމަށް ބެލެވޭ ކަމަށެވެ.
ނައީމް ވިދާޅުވީ، އެކަމާ ގުޅިގެން ތިމާވެއްޓަށް ސިދާ އަސަރެއް ކުރާނެ ކަމަށް ނުބެލެވޭ ކަމަށާއި، ނަމަވެސް އީޕީއޭ އިން އެ ސަރަހއްދުގެ އެސެސްމަންޓް ރިޕޯޓެއް ހަދާނެ ކަމަށެވެ. އެގޮތުން ބްރިޖުގެ މަސައްކަތް ކޮށްފައި ވަނީ އީޕީއޭގެ ރިޕޯޓާ އެއްގޮތަށްތޯ ބަލާނެ ކަމަށް ނައީމް ވިދާޅުވިއެވެ.
