25 ވަނަ ސްކްރީން އެކްޓަރސް ގިލްޑް އެވޯޑްސް، ނުވަތަ ސެގް އެވޯޑްސް ހޯމަ ދުވަހު ބާއްވާފައިވާއިރު، އެންމެ ޝަރަފުވެރި އެވޯޑް ފުރަތަމަ ފަހަރަށް ސުޕަރހީރޯ ފިލްމަކުން ވަނީ ކާމިޔާބު ކޮށްފައެވެ.

އެގޮތުން 'އައުޓްސްޓޭންޑިންގ ޕަރފޯމަންސް ބައި އަ ކާސްޓް އިން އަ މޯޝަން ޕިކްޗަރ' އެވޯޑް ކާމިޔާބުކޮށްފައި ވަނީ 2018 ވަނަ އަހަރުގެ ޖެނުއަރީ މަހު ރިލީޒް ކޮށްފައިވާ މާވެލްގެ 'ބްލެކް ޕެންތަރ'އެވެ.

'ބްލެކް ޕެންތަރ'ފަދަ ސުޕަރހީރޯ ފިލްމްތައް ބޮކްސް އޮފީހުގައި ކިތަންމެ ކާމިޔާބުވި ނަމަވެސް މިފަދަ އިނާމްތަކަށް މީގެ ކުރިން ނޮމިނޭޓެއް ވެސް ނުވެއެވެ.

މި ފިލްމްގެ މައި ރޯލްތަކުން ކަޅު ނަސްލުގެ ތަރިން ފެނިގެންދާއިރު، ހޮލީވުޑްގައި ކަޅު ނަސްލުގެ ތަރިންނަށް ފުރުސަތުތައް މަދުކަމުގެ ވާހަކަތަކަކީ ނިމިގެން ދިޔަ އަހަރުތަކުގައި ވަރަށް ގިނައިން ދެކެވިގެން ދިޔަ ވާހަކަތަކެކެވެ.

އެހެންކަމުން، 'ބްލެކް ޕެންތަރ'ގެ ކާމިޔާބީއާއެކު ފިލްމެއް ކާމިޔާބުވުމަށް ތަރިން ވަކި ނަސްލަކަށްވާން ނުޖެހޭކަން ހޮލީވުޑަށް އެނގިގެން ދިޔައެވެ.

1.344 ބިލިއަން ޑޮލަރުގެ އާމްދަނީއަކާއެކު 'ބްލެކް ޕެންތަރ'އަކީ 2018ވަނަ އަހަރުގެ އެންމެ ކާމިޔާބު ފިލްމެވެ. އަދި އެ ފިލްމްވަނީ ހޮލީވުޑްގެ އެންމެ ޝަރަފުވެރި އެވޯޑް ކަމަށްވާ އެކަޑަމީ އެވޯޑްސް، ނުވަތަ އޮސްކާސްގެ 'ބެސްޓް ޕިކްޗަރ'އަށް ވެސް ނޮމިނޭޓްވެފައެވެ. މިއީ މި އެވޯޑަށް ވެސް ސުޕަރހީރޯ ފިލްމެއް ނޮމިނޭޓްވި ފުރަތަމަ ފަހަރެވެ.

'އައުޓްސްޓޭންޑިންގ ޕަރފޯމަންސް ބައި އަ ކާސްޓް އިން އަ މޯޝަން ޕިކްޗަރ'އަށް ނޮމިނޭޓްވި އެހެން ފިލްމްތަކަކީ، 'އަ ސްޓަރ އިޒް ބޯން،' 'ބޮހީމިއަން ރެޕްސޮޑީ،' 'ބްލެކްކްލާންސްމަން' އަދި 'ކްރޭޒީ ރިޗް އޭޝިއަންސް'އެވެ.

ފިލްމްތަކަށް ބަލާއިރު، ބެސްޓް އެކްޓަރގެ އެވޯޑް ލިބިފައިވަނީ 'ބޮހީމިއަން ރެޕްސޮޑީ'ގައި ފްރެޑީ މަރކިއުރީގެ ރޯލުން ފެންނަ ރަމީ މަލެކް އަށެވެ. އަދި ބެސްޓް އެކްޓްރެސް އެވޯޑް ކާމިޔާބު ކޮށްފައިވަނީ 'ދަ ވައިފް'ގެ ތަރި ގްލެން ކްލޯސްއެވެ.

މީގެ އިތުރުން، ޓީވީ ޝޯވތަކަށް ބަލާއިރު ތިން އެވޯޑާއެކު މި އަހަރުގެ ސެގް އެވޯޑްގައި އެންމެ ކާމިޔާބު ވެގެންދިޔައީ އިންޓަނެޓް ވީޑިއޯ އެންޑް ޑިމާންޑް ސަރވިސެއް ކަމަށްވާ އެމަޒޯންގެ 'ދަ މާވަލަސް މިސިސް މޭސަލް'އެވެ.

އެގޮތުން، އެ ސީރީޒްގެ މައި ދެ ތަރިން، ޓޯނީ ޝަލޫބްއާއި ރޭޗަލް ބްރޮސްނަހަން، އަށް ކޮމެޑީ ސީރީޒް ކެޓަގަރީގެ ބެސްޓް އެކްޓަރާއި އެކްޓްރެސް އެވޯޑް ލިބިފައިވާއިރު، 'ދަ މާވަލަސް މިސިސް މޭސަލް' އަށް 'އައުޓްސްޓޭންޑިންގ ޕަރފޯމަންސް ބައި އެން އަންސާމްބްލް އިން އަ ކޮމެޑީ ސީރީޒް' އެވޯޑްވަނީ ލިބިފައެވެ.

ސެގް އެވޯޑްސް 2019: ފުރިހަމަ ލިސްޓް

• މޯޝަން ޕިކްޗަރ

އައުޓްސްޓޭންޑިންހ ޕަރފޯމަންސް ބައި އަ މޭލް އެކްޓަރ އިން އަ ލީޑިންގ ރޯލް: ރަމީ މަލެކް، 'ބޮހީމިއަން ރެޕްސޮޑީ'

އައުޓްސްޓޭންޑިންހ ޕަރފޯމަންސް ބައި އަ ފީމޭލް އެކްޓަރ އިން އަ ލީޑިންގ ރޯލް: ގްލެން ކްލޯސް، 'ދަ ވައިފް'

އައުޓްސްޓޭންޑިންހ ޕަރފޯމަންސް ބައި އަ މޭލް އެކްޓަރ އިން އަ ސަޕޯޓިންގ ރޯލް: މަހަރޝަލަ އަލީ، 'ގްރީން ބުކް'

އައުޓްސްޓޭންޑިންހ ޕަރފޯމަންސް ބައި އަ މޭލް އެކްޓަރ އިން އަ ސަޕޯޓިންގ ރޯލް: އެމިލީ ބްލަންޓް، 'އަ ކުއައެޓް ޕްލޭސް'

އައުޓްސްޓޭންޑިންގ ޕަރފޯމަންސް ބައި އަ ކާސްޓް އިން އަ މޯޝަން ޕިކްޗަރ: 'ބްލެކް ޕެންތަރ'

އައުޓްސްޓޭންޑިންގ އެކްޝަން ޕަރފޯމަންސް ބައި އަ ސްޓަންޓް އަންސަމްބްލް އިން އަ މޯޝަން ޕިކްޗަރ: 'ބްލެކް ޕެންތަރ'

• ޓެލެވިޒަން

އައުޓްސްޓޭންޑިންގ ޕަރފޯމަންސް ބައި އެން އަންސަމްބްލް އިން އަ ޑްރާމަ ސީރީޒް: 'ދިސް އިޒް އަސް'

އައުޓްސްޓޭންޑިންގ ޕަރފޯމަންސް ބައި އެން އަންސަމްބްލް އިން އަ ކޮމެޑީ ސީރީޒް: 'ދަ މާވަލަސް މިސިސް މޭސަލް'

އައުޓްސްޓޭންޑިންގ ޕަރފޯމަންސް ބައި އަ މޭލް އެކްޓަރ އިން އަ ޑްރާމާ ސީރީޒް: ޖޭސަމް ބޭޓްމަން، 'އޮޒާކް'

އައުޓްސްޓޭންޑިންގ ޕަރފޯމަންސް ބައި އަ ފީމޭލް އެކްޓަރ އިން އަ ޑްރާމާ ސީރީޒް: ސެންޑްރާ އޯ، 'ކިލިންގ އީވް'

އައުޓްސްޓޭންޑިންގ ޕަރފޯމަންސް ބައި އަ މޭލް އެކްޓަރ އިން އަ ކޮމްޑީ ސީރީޒް: ޓޯނީ ޝަލޫބް، 'ދަ މާވަލަސް މިސިސް މޭސަލް'

އައުޓްސްޓޭންޑިންގ ޕަރފޯމަންސް ބައި އަ ފީމޭލް އެކްޓަރ އިން އަ ކޮމެޑީ ސީރީޒް: ރޭޗަލް ބްރޮސްނަހަން، 'ދަ މާވަލަސް މިސިސް މޭސަލް'

އައުޓްސްޓޭންޑިންގ ޕަރފޯމަންސް ބައި އަ މޭލް އެކްޓަރ އިން އަ ޓީވީ މޫވީ އޯ ލިމިޓެޑް ސީރީޒް: ޑެރަން ކްރިސް، 'ދަ އެސާސިނޭޝަން އޮފް ޖިއޮވާނީ ވަސާޗީ: އެމެރިކަން ކްރައިމް ސްޓޯރީ'

އައުޓްސްޓޭންޑިންގ ޕަރފޯމަންސް ބައި އަ މޭލް އެކްޓަރ އިން އަ ޓީވީ މޫވީ އޯ ލިމިޓެޑް ސީރީޒް: ޕެޓްރިޝާ އާކެޓް، 'އެސްކޭޕް އެޓް ޑަނެމޯރާ'

އައުޓްސްޓޭންޑިންގ އެކްޝަން ޕަރފޯމަންސް ބައި އަ ސްޓަންޓް އަންސަމްބްލް އިން އަ ކޮމެޑީ އޯ ޑްރާމާ ސީރީޒް: 'ގްލޯ'