ކެފޭއެއްގައި އުމުރުން ދުވަސްވީ މީހަކަށް އަނިޔާކުރި މައްސަލައެއް ބަލަނީ
27 ޖެނުއަރީ 2019 | އާދީއްތަ 03:56އައްޑޫ ސިޓީ ޕޮލިހުން ދަނީ މި މައްސަލަ ތަހުގީގުކުރަމުން
އައްޑޫ ސިޓީ ހިތަދޫ
އައްޑޫ ސިޓީ ހިތަދޫގެ ކެފޭއްގައި އުމުރުން ދުވަސް މީހަކަށް އަނިޔާކުރި މީހާގެ މައްސަލަ ބަލަމުންދާ ކަމަށް ޕޮލިސް ކަމިޝަނަރ މުހައްމަދު ހަމީދު ވިދާޅުވެއްޖެއެވެ.
ހޮނިހިރު ދުވަހުގެ ރޭ ޓްވިޓާރގައި އާންމު ވީޑީއޯގައި ފެންނަގޮތުން ހޮޓަލެއްގެ ތެރޭގައި އުމުރުން ދުވަސްވީ މީހަކަށް އަނިޔާކުރާ މަންޒަރު ފެނެއެވެ. އެ ވީޑިއޯގައި ސައިބޯން އުމުރުން ދުވަސްވި މީހާ ހުއްޓާ، މޭޒު ކައިރީ ހުރި މީހަކު ކޮއްޕައި އަނގައިގައި ހުރި ފެންޖެހުމުގެ އިތުރުން އަނިޔާކުރާ މަންޒަރު ފެނެއެވެ.
ޓްވިޓާރ އަށް ވީޑިއޯ ލާފައިވާ ފަރާތުން ބުނެފައިވަނީ އެ އުމުރުން ދުވަސްވީ މިހާއަކީ ސިކުނޑީގެވެސް އުނިކަމެއް ހުންނަމީހެއް ކަމަށެވެ. އަދި މި ވީޑީއޯ ސޯޝަލް މީޑީއާގައި ދައުރުވުމާގުޅިގެން އާންމުންގެ ފަރާތުން ވަނީ ކަންބޮޑުވުން ފާޅުކޮށް، މައްސަލަ ތަހުގީގުކުރުމަށް ގޮވާލައި ކުރާ ހުރިހާ ކޮމެންޓެއްގައި ޕޮލިސް ކޮމިޝަނަރ ޓެގްކޮށްފައެވެ.
އެގޮތުން އާންމުންނަށް ޖަވާބު ދެއްވަމުން ކޮމިޝަނަރ އެމްސީ ހަމީދް ކޮށްފައިވާ ޓްވީޓެއްގައި ވަނީ އެ މައްސަލަ އައްޑޫ ސިޓީ ފުލުހުން ތަހުގީގު ކުރަމުންދާކަމަށް ވިދާޅުވެފައެވެ.
މި ވީޑީއޯއިން ވެސް ފެނިގެންދިޔައީ އަނިޔާކުރަމުންދިޔަ ގަޑީގައި އެއްބަޔަކު ވީޑީއޯކުރަމުން ދިޔައިރު، އެއްބަޔަކު އެކަން ހުއްޓުވަން މަސަތްކަތް ނުކޮށް ތިބި މަންޒަރެވެ.
މިއީ ފަހަކަށް އައިސް ދިވެހިންގެ ތެރޭގައި ވަރަަށް އާންމު ކަމެކެވެ. ބޮޑު ހާދިސާއެއް ދިމާވިއަސް އެންމެ ކުރިން ކުރާ ކަމަކީ ފޮޓޯ ނެގުމާއި، ވީޑިއޯ ކުރުމެވެ.
