ރާއްޖޭގެ އިގްތިސާދީ، ސިޔާސީ ދާއިރާ ކުރިއެރުވޭނެ ގޮތްކާއި ބެހޭ ގޮތުން އެކިގައުމުތަކުން އެމެރިކާއަށް ކަނޑައަޅުއްވާފައިވާ ސަފީރުންނާ މަޝްވަރާ ކޮށްފިއެވެ.
ފޮރިން މިނިސްޓަރު އަބްދުﷲ ޝާހިދު އެމަރިކާއަށް ވަޑައިގަންނަވާ ރާއްޖެއާ އެމެރިކާގެ ގުޅުން ވަރުގަދަކުރުމަށް އަންނަނީ މަސައްކަތްތައް ކުރައްވަމުންނެވެ.
އެގޮތުން ހުކުރު ދުވަހު ނިޔުއޯކްގައި ވަނީ އެކިގައުމުތަކުގެ ފޮރިން މިނިސްޓަރުންނާއި، އަަދި އެކި ގައުމުތަކުން އެމެރިކާއަށް ކަނޑައަޅުއްވާފައިވާ ސަފީރުންނާއި ބައްދަލުކުރައްވާ އެކި ދާއިރާތަކާއި ބެހޭ ގޮތުން ވަނީ މަޝްވަރާ ކުރައްވާފައެވެ.
މިބައްދަލުކުރެއްވުމުގައި މަޝްވަރާ ކުރެއްވީ އެކި ދާއިރާތަކުން ރަނގަޅުކޮށް އިތުރުކުރެވޭނެ ކަންތައްތަކާއި އަދި ކުރިއަރުވަން ކުރެވޭނެ ކަންތައްތަކާއި ބެހޭ ގޮތުންނެވެ. އަދި ޚާއްސަ ގޮތެއްގައި ސިޔާސީ ދާއިރާ، އިގްތިސާދީ ދާއިރާއާ ބެހޭ މަޝްވަރާ ކުރެއްވިއެވެ.
މީގެ އިތުރުން، ރާއްޖެއާ އެގައުމުތަކާއި އޮތް އެއްގޮތް ކަންތަކާއި މެދު ވާހަކަފުޅު ދައްކަވާ، އެކި ދާއިރާތަކުން ކަންކަން ރަނގަޅު ކުރެވޭނެ ގޮތް ތަކާ މެދު މަޝްވަރާކުރެއްވިއެވެ.
މިބައްދަލުވުމުގައި ބެލްޖިއަމް، ކުވައިތް، ޑޮމިނިކަން ރިޕަބްލިކް، ފިޖީ، ސިންގަޕޫރު، އިންޑިއާ، ޖަޕާން، ޔުނައިޓެޑް އަރަބް އެމިރޭޓްސް، ކެނަޑާ، ސައުދީ އަރަބިއްޔާ އަދި ނައިޖީރިޔާ އިން އެމެރިކާއަށް ކަނޑައަޅުއްވާފައިވާ ސަފީރުން ވަނީ ބައިވެރިވެވަޑައިގަންނަވާފައެވެ.
މިނިސްޓަރު ޝާހިދުގެ މިދަތުރުފުޅުގައި އދ. ސަލާމަތީ މަޖިލީހުގައި މޫސުމަށް އަންނަމުންދާ ބަދަލުތަކާއި ބެހޭ ގޮތުން ވެސް މިނިސްޓަރު ވާހަކަދައްކަވާނެއެވެ.
މިއީ ޝާހިދު ފޮރިންގ މިނިސްޓްރީކަމާއި ހަވާލުވެޑައިގެންނެވިފަހުން އެމެރިކާއަށް ކުރައްވާ ފުރަތަމަ ރަސްމީ ދަތުރުފުޅެއެވެ. މިދަތުރުފުޅަށްފަހު މިނިސްޓަރު ޝާހިދު ވަޑައިގަތުމަށް ހަމަޖެހިފައިވަނީ އިނގިރޭސިވިލާތައްށެވެ.
