ލިވިންގް އެކްސްޕޯގައި 22 ކުންފުންޏެއް

މިއަހަރުގެ ލިވިންގް އެކްސްޕޯ ފެބްރުއަރީ މަހު ބޭއްވުމަށް އެންމެ ފަހުގެ ތައްޔާރީތައް ވަމުންދާއިރު މިއެކްސްޕޯގައި ރާއްޖެއާއި ރާއްޖޭން ބޭރުން ޖުމްލަ 22 ކުންފުންޏެއް ބައިވެރިވެފައިވާ ކަމަށް، އެކްސްޕޯ އިންތިޒާމުކުރަ ހައިރައިޒުން ބުނެފިއެވެ.

ފެބްރުއަރީ މަހުގެ ހަތަކުން ނުވައަކަށް ދަރުބާރުގޭގައި ބާއްވަން ނިންމާފައިވާ މިއެކްސްޕޯގައި މިހާރުވަނީ ޕާޓްނަރުންނާ އެކު ސޮއިކޮށްފައެވެ.

އެކްސްޕޯގެ މެއިން ސްޕޮންސަރަކަށް ހަމަޖައްސާފައި ވަނީ އެލައިޑް އިންޝުއަރެންސް ކުންފުންޏެވެ. ކޯ ސްޕޮންސަރުންނަކީ ރާއްޖޭގެ އަކުއާ ވިޓާ ރެސިޑެންސް އާއި ސްރީލަންކާގައި ތަރައްގީކުރާ ލަގްޒަރީ އެޕާޓްމެންޓް ޕްރޮޕަޓީ އަލްޓެއާއެވެ.

ހައިރައިޒް އިން އިންތިޒާމްކޮށްގެން 2013 ވަނަ އަހަރުން ފެށިގެން ބާއްވަމުން އަންނަ ލިވިން އެކްސްޕޯއަކީ ގޯތިގެދޮރުގެ ވިޔަފާރި ކުރާ ރާއްޖެ އާއި ރާއްޖެއިން ބޭރުގެ ކުންފުނިތަކަށް އަމާޒުކޮށްގެން ބާއްވަމުން އަންނަ އެކްސްޕޯއެކެވެ. މި އަހަރުގެ އެކްސްޕޯގައި ބައިވެރިވާ 22 ކުންފުންޏަކީ ވެސް މި ދާއިރާގައި ރާއްޖެ އާއި ސްރީ ލަންކާގެ އެންމެ ވަރުގަދަ ކުންފުނިތަކެވެ.

މިފަހަރުގެ އެކްސްޕޯގައި ވެސް ގެދޮރުގެ ވިޔަފާރި ކުރާ ފަރާތްތަކާ ގެދޮރު ގަންނަން ބޭނުންވާ ފަރާތްތަކަށްވެސް ވަރަށް ފަހި ފުރުސަތު ތަކެއް ލިބިގެންދާނެ ކަމަށާއި ގެދޮރަށް ބޭނުންވާ ސާމާނުތައް ލިބެން ހުންނާނެ ތަންތަނާ، ގެދޮރު ގަތުމަށް ބޭނުންވާ ފައިސާ ހޯދޭނެ ގޮތާ ގެއެއް ފުރިހަމަވާނެ ހުރިހާ ގޮތެއް އެކްސްޕޯއިން ފަހިވެގެންދާނެ ކަމަށް އެ ފަރާތުން ބުނެއެވެ.

މި އަހަރުގެ އެކްސްޕޯ އަށް ޒިޔާރަތްކުރާ ފަރާތްތަކަށް ވަރަށް ހާއްސަ އިނާމުތަކެއް ލިބިގެންދާނެ ކަމަށް ހައިރައިޒުން ބުންޏެވެ.