ދެގައުމުގެ ކުރިއެރުންތަކަށް ވަނީ މަޝްވަރާކުރައްވާފައި
ޔޫއޭއީގެ އިސް އޮފިޝަލުންނާއި ޝާހިދު ބައްދަލުކުރައްވަނީ
ޔުނައިޓެޑް އެރެބް އެމިރޭޓްސް (ޔޫއޭއީ)ގެ އިސް އޮފިޝަލުންނާއި ފޮރިން މިނިސްޓަރ އަބްދުﷲ ޝާހިދު ބައްދަލު ކުރައްވައިފިއެވެ.
މި ބައްދަލުކުރެއްވުމުގައި ޝާހިދުގެ އިތުރުން ފިނޭންސް މިނިސްޓަރ އިބްރާހިމް އަމީރާއި، ޕްލޭނިންގ މިނިސްޓަރ މުހައްމަދު އަސްލަމް އާއި، އިކޮނޮމިކް މިނިސްޓަރ ފައްޔާޒު އިސްމާއިލް ވަނީ ބައިވެރިވެ ވަޑައިގެންފައެވެ.
ޝާހިދު ވިދާޅުވީ އެބައްދަލުކުރެއްވުމުގައި ދެ ގައުމުގެ ކުރިއެރުންތަކަށާއި އިގްތިސާދީ ގޮތުން ކުރިއަރާނެ ކަންތައްތަކާ ބެހޭ ގޮތުން މަޝްވަރާ ކުރައްވާފައިވާ ކަމަށެވެ.
މިނިސްޓަރ ޝާހިދު ވަނީ މިދިޔަ ހަފްތާގައި ވެސް ޔޫއޭއީ އަށް ވަޑައިގަންނަވާފައެވެ. ޝާހިދު މިދިޔަ ހަފްތާގައި ޔޫއޭއީއަށް ވަޑައިގެންނެވީ ރައީސް ސާލިހުގެ އަރިހުގައެވެ.
