ޒިނޭކުރުމަށް ހިތްވަރު ދިނުމަކީ އެއްވެސް ވަރަކަށް ބާރުއަޅާކަމެއް ނޫން ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ހުކުރު ދުވަހު ނަޝީދު ކުރެއްވި ޓްވީޓެއްގައި ވަނީ ޒިނޭއަށް ހިތްވަރުދިނުމަށް އެއްވެސް އިރެއްގައި ބާރުނާޅާ ކަމަށާއި، އެއީ ބާރުގަދަ މަސްތުވާތަކެތި ބޭނުންކުރުމާއި، ކައިވެނިން ބޭރުން ދަރިން ލިބި އެކުދިންނަށް ލިބޭ ނިކަމެތިކަމާ ގުޅޭ ގޮތުން ދެއްކެވި ވާހަކަފުޅެއް ކަމަށެވެ.
Ziney ah hivvaru dhinumakee alhugandu ehgothakahves baaru alhaa kameh noon. Kaivenin beyrun dharin libi, ekudhinnah libey nikamethi kamai, baarugadha masthuvathakethi beynun kuruma oiy gulhumai gulhey gothun alhugandu dhekki vaahaka olhivadai gannava nama ekamah ma-af ah edhen
— Mohamed Nasheed (@MohamedNasheed) January 18, 2019
ނަޝީދު ވިދާޅުވީ، އެމަނިކުފާނު ދެއްކެވި ވާހަކަ އޮޅުން އަރާނަމަ އެކަމަށް މާފަށް އެދޭ ކަމަށެވެ.
ކައިވެނި ނުކޮށް ދަރިން ހޯދާ މައްސަލައަށް އޮތް ހައްލަކީ ކުއްޖާގެ މަންމަ އަށް ބާތު ކޮންޓްރޯލް ކުރެވޭ ގޮތް ހެދުން ކަމަށާއި، ކައިވެނި ނުކޮށް ތިބޭ އަންހެނުންނަށް ބާތު ކޮންޓްރޯލް ނުކުރެވުން އެއީ އެކަން އޮންނަންވީ ގޮތް ނޫން ކަމަށް ބުދަ ދުވަހުގެރޭ ރައީސް ނަޝީދު ވަނީ ވިދާޅުވެފައެވެ. އެގޮތުން ކައިވެނީގެ ބޭރުން ދަރިން ހޯދަނީ ފިރިހެން މީހާގެ ވެސް ބޭވަފާތެރިކަމެއް އޮވެގެން ކަމަށާއި، އެކަމަށް އޮތް ހައްލަކީ އަންހެނުން ނުވިހާ ގޮތް ހެދުން ކަމަށް އެމަނިކުފާނު ވިދާޅުވެފައި ވެއެވެ.
