ކޮރަޕްޝަން ބަލާ ކޮމިޝަނާ މިނިސްޓަރ އަލީ ވަހީދު ބައްދަލު ކުރައްވައިފި
އެމްއެމްޕީއާރުސީގެ ކޮރަޕްޝަނުގެ އެންމެ ބޮޑު ތުހްމަތެއް ކުރެވެނީ ކުރީގެ ޓޫރިޒަމް މިނިސްޓަރ
ޓޫރިޒަމް މިނިސްޓަރ އަލީ ވަހީދު ރިޔާަސީ ކޮމިޝަނާ ބައްދަލު ކުރެއްވުން
ދައުލަތުގެ ތެރޭގައި ހިންގާފައިވާ ޚިޔާނާތާއި ކޮރަޕްޝަނުގެ އަމަލުތައް ބަލައި ގެއްލުނު ފައިސާ އަނބުރާ ހޯދަން ރައީސް އިބްރާހިމް މުހައްމަދު ސޯލިހް އުފެއްދެވި ކޮމިޝަނާ ޓޫރިޒަމް މިނިސްޓަރ އަލީ ވަހީދު ބައްދަލު ކުރައްވައިފިއެވެ.
ކޮރަޕްޝަނުގެ މައްސަލަތައް ބަލައި ކޮމިޝަނާ މިނިސްޓަރ އަލީ ވަހީދު ބައްދަލު ކުރެއްވި ކަން ހާމަކޮށް ޓޫރިޒަމް މިނިސްޓްރީން ކުރި ޓުވީޓެއްގައި ބުނެފައިވަނީ ރިޔާސީ އެ ކޮމިޝަނަށް ދޭން ޖެހޭ އެއްބާރުލުން ދެއްވާނެ ކަމުގެ ޔަގީންކަން އެ ކޮމިޝަނަށް އަރުވާފައިވާ ކަމަށެވެ.
ކޮރަޕްޝަނުގެ މައްސަލަތައް ބަލައި ކޮމިޝަނުން ވަނީ ކުރީގެ ނައިބު ރައީސް އަހްމަދު އަދީބު ޓޫރިޒަމް މިނިސްޓަރަކަށް ހުންނެވި ދުވަސްވަރު އެ މަނިކުފާނާ ގުޅިގެން ހިންގެވި ކަމަށް ތުހްމަތު ކުރެވޭ އެމްއެމްޕީއާރުސީގެ ހިޔާނާތުގެ މައްސަލަތައް ތަހްގީގު ކުރަން ފަށާފައި އެވެ. އަދި އެ ކޮމިޝަނުން ވަނީ އެމްއެމްޕީއާރުސީގެ ފައިސާގެ ހިޔާނާތުގެ މައްސަލަ އެ ކޮމިޝަނުން ބަލަމުންދާތީ އެ މައްސަލައާ ގުޅުންހުރި މައުލޫމާތު ހިއްސާ ކުރުމަށް ވެސް އެދިފައެވެ.
އެމްއެމްޕީއާރުސީގެ ބޮޑު ހިޔާނާތުގެ މައްސަލައިގައި ކުރީގެ ޓޫރިޒަމް މިނިސްޓަރު އަދީބު މައްޗަށް އޭގެ ތެރެއިން ބައެއް މައްސަލަތަކުގައި ދައުވާ ކޮށްފައިވެއެވެ.
