ހުއިފިލަނޑާ ނަގަން ފޭބި ނ.މިލަދޫ މީހަކު ވެސް ގެއްލިގެން ހޯދަން ފަށައިފި
އެމީހާ ގެއްލުނީ ނ އަތޮޅު މަނަދޫ ދެކުނު ފަރާތަށް ލަނޑާ ނަގަން އުޅެނިކޮށް
ނ.މިލަދޫ
ހުއިފިލަނޑާ ނަގަން ފޭބި ރ ދުވާފަރު މީހަކު ގެއްލިގެން ހޯދަމުން ދަނިކޮށް ފެނިފައިވާއިރު، ނ.މިލަދޫ މީހަކުވެސް ހުއިފިލަނޑާ ނަގަން ފައިބައި އުޅެނިކޮށް ގެއްލިގެން ހޯދަން ފަށައިފިއެވެ.
އެމްއެންޑީއެފުން ބުނީ ނ އަތޮޅު މަނަދޫ ދެކުނު ފަރާތަށް ލަނޑާ ނަގަން އުޅެނިކޮށް ފޭބި ދެމީހުންގެ ތެރެއިން މީހަކު ގެއްލިގެން ހޯދުމުގެ މަސައްކަތް ކުރަމުން އަންނަ ކަމަށާއި، އެމީހާއަކީ ނ.މިލަދޫ މުހައްމަދު ޝާވިން ނަމަކަށް ކިޔާ މީހެއްކަމަށެވެ. ޝާވިން ގެއްލިފައިވަނީ ބުދަ ދުވަހުއެވެ.
ހުއިފިލަނޑާ ނަގަން އުޅެނިކޮށް ފުލުހުން ބުދަ ދުވަހު ފުރަތަމަ ހޯދަން ފަށާފައިވަނީ ރަސްމާދޫ ކައިރިއަށް ހުއިފިލަނޑާ ނަގަން ފޭބި ރ ދުވާފަރު، ފެހިހިޔާގޭ އަބްދުﷲ އާދަމްއެވެ. އެމީހާ ފެނިފައިވަނީ ރ.އަތޮޅުގެ ފަޅުރަށެއް ކަމަށްވާ ދިއްކުރެންދޫގައި ހުއްޓައެވެ.
