މި އިސްލާހު ހުށަހެޅުއްވީ ދިއްދޫ ދާއިރާގެ މެމްބަރު އަބްދުއްލަތީފް
ކުރީގެ ރައީސް މުހައްމަދު ނަޝީދު، ރާއްޖެ ވާދައިގެން ވެލާނާ އިންޓަނޭޝަނަލް އެއާޕޯޓްގައި
ރާއީސުލްޖުމްހޫރިއްޔާކަން ކުރެއްވި ބޭފުޅަކަށް ރައްޔިތުންގެ މަޖިލީހުގެ އިންތިޚާބުގައި ވާދަ ނުކުރެއްވޭގޮތަށް އިސްލާހެއް ހުށަހަޅައިފި އެވެ.
ރައްޔިތުންގެ މަޖިލީހުގެ އިންތިޚާބާ ބެހޭ ގާނޫނަށް މި އިސްލާހު ހުށަހެޅުއްވީ ދިއްދޫ ދާއިރާގެ މެމްބަރު އަބްދުއްލަތީފެވެ.
ޖޮއިންޓް ޕާލިމެންޓްރީ ގުރޫޕްގެ ލީޑަރު އަދި ކިނބިދޫ ދާއިރާގެ މެމްބަރު އަބްދުﷲ ރިޔާޒް ވިދާޅުވީ، ލަތީފް ހުށަހެޅުއްވި އިސްލާހަކީ ޖޮއިންޓް ޕާލިމެންޓްރީ ގުރޫޕާއި އެއްވެސް ވަރަކަށް މަޝްވަރަކުރެވިގެން ހުށަހެޅުުނު އިސްލާހެއް ނޫން ކަމަށެވެ. އަދި ޖޭޕީ ޕާލިމެންޓްރީ ގުރޫޕްގައިވެސް އެފަދަ މަޝްވަރާއެއް ކުރެވިފައިނުވާކަމަށް ރިޔާޒް ވިދާޅުވި އެވެ.
ލަތީފް މަޖިލީހަށް މި އިސްލާހު ހުށަހެޅުއްވި އިރު، އަންނަ އެޕްރީލް މަހު އޮންނަ އިންތިޚާބަށް، ކުރީގެ ރައީސް މުހައްމަދު ނަޝީދު ގެންދަވަނީ ކެމްޕޭން ކުރައްވަމުންނެވެ. އެމަނިކުފަނު ވާދަކުރައްވާނެކަން އިއުލާންކުރައްވާފައިވަނީ މައްޗަންގޯޅި މެދު ދާއިރާއަށެވެ.
ކުރީގެ ރައީސް އަބްދުﷲ ޔާމީންވެސް ވަނީ ކުރިއަށް އޮތް މަޖިލީހުގެ އިންތިހާބުގައި ވާދަކުރައްވާނެކަމުގެ އިޝާރާތެއް ދެއްވައިފަ އެވެ. ނަމަވެސް ވާދަކުރައްވާނީ ކޮން ދާއިރާއެއްގައިކަމެއް އެމަނިކުފާނު ހާމަކުރައްވާފައެއް ނުވެ އެވެ.
