އެމްއެންޑީއެފްގެ ކެޕްޓަން މުހައްމަދު ރާމިޒް ކުއްލި ގޮތަކަށް ބުދަ ދުވަހުގެ ހަވީރު ނިޔާވެއްޖެއެވެ.
އެމްއެންޑީއެފް އިން ބުނީ ނިޔާވި މުޙައްމަދު ރާމިޒު ހުރީ ނޮދަން އޭރިޔާ ޕޯސްޓުގައި ކަމަށެވެ.
މީގެ އިތުރުން ވެސް، އެމްއެންޑީއެފް އިން ބުނީ މިއަދު ހަވީރު ކުރިއަށް ގެންދިޔަ އެކްސަސައިޒެއްގައި އޭނާ ބައިވެރިވި ކަމަށާއި އެ އެކްސަސައިޒްގެ ތެރެއިން ދުވަމުން ދަނިކޮށް ކުއްލިއަކަށް އޭނާ ވެއްޓުނު ކަމަށެވެ. އަދި ވަގުތުން އޭނާއަށް ފަރުވާ ދިނުމަށް ޅ. ނައިފަރު ހޮސްޕިޓަލަށް ގެންދިޔަ ކަމަށް ވެސް އެމްއެންޑީއެފުން ބުންޏެވެ.
އިތުރަށް އެމްއެންޑީއެފްއިން ބުނީ މިހާރު ރާމިޒްގެ ހަށިގަނޑު މާލެ ގެނައުމަށް މަސައްކަތް ކުރަމުންދާ ކަމަށެވެ.
ރާމިޒް ނިޔާވިއިރު އެނާގެ އުމުރަކީ 48 އަހަރެވެ.
