ބުރާސްފަތި 27 ޖޫން 2019
11 އަދަ
1440 ޝައްވާލް 23
ފަތިސް 04:38
އިރުއަރާ 05:56
މެންދުރު 12:13
އަސްރު 15:37
މަޣްރިބް 18:22
އިޝާ 19:40
ދުނިޔެ - ސީރިޔާ ހަނގުރާމަ

އެމެރިކާ ސިފައިން ސީރިއާއިން ނުފޭބުމަށް ޔަޒީދީ އިން އެދެނީ

  • އައިއެސްއިން ޔަޒީދީންގެ 3،000އެއްހާ މީހުން މަރާލައި އަދި ވަގަށްނަގާފައިވޭ

އަބުދުﷲ މުހައްމަދު
8Abbo

ކ. މާލެ 6 ޖެނުއަރީ 2019 | އާދީއްތަ 09:20 2,946

ފްރީ ޔަޒީދީ ފައުންޑޭޝަނުން ބުނަނީ އައިއެސް އަލުން އައުމުގެ ބިރު އެބަ އޮތް ކަމަށް - އަލްޖަޒީރާ

އައިއެސް އަނބުރާ އަތުވެދާނެކަމަށާއި އެކަމަކީ ބައިމަދު ދީނީ ގްރޫޕްތަކަށް އޮތް ނުރައްކަލެއް ކަމަށް ބުނެ އެމެރިކާ ސިފައިން ސީރިޔާއިން ފޭބުން މަޑުޖައްސާލުމަށް ޔަޒީދީ އިންގެ ހައްގުތަކަށް މަސައްކަތްކުރާ ގްރޫޕްތަކުން ގޮވާލާފައިފިއެވެ.

ނެދަލޭންޑްގައި ގާއިމްވެފައި އޮންނަ ފްރީ ޔަޒީދީ ފައުންޑޭޝަނުން ހުކުރު ދުވަހު ނެރުނު ބަޔާނެއްގައި ބުނެފައިވަނީ އައިއެސް އަނބުރާ އައުމަކީ ޔަޒީދީ ފަދަ ބައިމަދު ގްރޫޕްތަކަށް އޮތް ނުރައްކަލެއްކަމަށެވެ.

ހަނގުރާމަވެރި އައިއެސްއިން އިރާގުގެ އުތުރާއި ސީރިޔާގައި ވެރިވެގެންފައި އޮތްއިރު ޔަޒީދީންގެ 3،000 މީހުން މަރާލައި އަދި ވަގަށްނަގާފައި ވާއިރު 7.000 ޔަޒީދީ އަންހެނުންނާއި ކުޑަކުދިންނަށް ޖިންސީ ގޯނާ ކޮށްފައިވެއެވެ.

ކުރުދީންގެ ބައިމަދު ދީނީ ޖަމާއަތެއްކަމަށްވާ ޔަޒީދީއާ ދެކޮޅަށް ހިންގުނު ޖަރީމާތައް އދން ސިފަކޮށްފައިވަނީ ނަސްލު ނައްތާލުމުގެ ޖަރީމާއެެއްގެ ގޮތުގައެވެ.

އިސްލާމިކް ސްޓޭޓް (އައިއެސް)ގެ ނަމުގައި އުޅެމުންދިޔަ ޖަމާއަތް "ބަލިކުރެވިއްޖެ" ކަމަށް ރައީސް ޓްރަމްޕް ވިދާޅުވެފައިވަނިކޮށް ސީރިޔާގައި އުޅޭ އެމެރިކާގެ ސިފައިން އެ ގައުމުން ބޭލުމަށް އެމެރިކާއިން ނިންމިކަން އިއުލާނުކޮށްފައި ވަނީ 2018 ވަނަ އަހަރުގެ ޑިސެމްބަރު މަހުގެ 19 ވަނަ ދުވަހުއެވެ.

ސީރިޔާގެ އިރުއުތުރުން އައިއެސް ފައްސާލުމަށް އެމެރިކާގެ ދެހާހެއްހާ ސިފައިން އެއްގަމު މަގުން މަސައްކަތްކޮށްފައިވެއެވެ. 

 

އެންމެ ފަހުން އަޕްޑޭޓް ކުރީ: 3 ދުވަަސް ކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް