ގދ. ހައުޑިގަލާ ކައިރީގައި, ރިސޯޓެއްގެ ފެރީއަކާއި މަސްދޯންޏަކާއި ޖެހި ހިނގި އެކްސިޑެންޓުގައި ފަސް މީހަކަށް އަނިޔާވެއްޖެއެވެ. ހާދިސާގައި އަނިޔާވެފައި ވަނީ ފަސް ދިވެހިންނަށެވެ.
މި ހާދިސާގެ މައުލޫމާތު ފުލުހުންނަށް ލިބިފައިވާނީ މިރޭ 23:15 ހާއިރު ކަމަށް ފުލުހުން ބުނެއެވެ.
އަނިޔާވީ ފަސް މީހުންނަށް ގދ. ތިނަދޫގައި ހުންނަ އަބްދުއް ސަމަދު މެމޯރިއަލް ހޮސްޕިޓަލް ގައި ދަނީ ފަރުވާ ދެމުންނެވެ. މި ހާދިސާ ގައި އަނިޔާ ލިބުނު މީހުންނަށް ލިބުނީ ކިހާވަރެއްގެ އަނިޔާ އެއްކަމެއް އަދި އެނގިފައިއެއް ނުވެއެވެ.
މި ހާދިސާގައި ހިނގި ސަރަހައްދުގައި ފުލުހުން މިހާރު ހަރަކާތްތެރިވަމުންދާ ކަމަށާއި އެ މައްސަލަ ތަހްގީގް ކުރަމުންދާ ކަމަށް ފުލުހުންގެ މީޑިއާ އޮފިޝަލް ވިދާޅުވިއެވެ. އަދި އިތުރު މައުލޫމާތު ލިބޭ ވަރަކުން ދެމުންދާނެކަމަށް ވެސް އޭނާ ވިދާޅުވިއެވެ.
