އާ އަހަރު ފާހަގަ ކުރުމަށް ކަރީނާއާއި އާއިލާ ލަންޑަނަށް
27 ޑިސެމްބަރު 2018 | ބުރާސްފަތި 06:11ލަންޑަނަށް ފުރާފައިވަނީ ބުދަ ދުވަހު
ތައިމޫރުގެ ފުރަތަމަ ދުވަހު ނަގާފައިވާ ފޮޓޯއެއް. ކަރީނާއާއި އާއިލާ މިހާރު ތިބީ ލަންޑަނުގައި
އާ އަހަރު ފާހަގަ ކުރުމަށް ބޮލީވުޑްގެ ތަރި ކަރީނާ ކަޕޫރާއި ފިރިމީހާ ސައިފް އަލީ ޚާން އަދި ދަރިފުޅު ތައިމޫރު އަލީ ޚާން ލަންޑަނަށް ހިނގެއްޖެ އެވެ.
އިންޑިއާގެ ނޫސްތަކުން ބުނާ ގޮތުން ކަރީނާއާއި އާއިލާ ލަންޑަނަށް ފުރީ ބުދަ ދުވަހުއެވެ. އެނބުރި އިންޑިއާއަށް ދާނެ ދުވަހެއް ހާމަކޮށްފައެއް ނުވެއެވެ.
ސައިފް އާއި ކަރީނާގެ ފުރަތަމަ ދަރިފުޅު ތައިމޫރުގެ ދެވަނަ އުފަން ދުވަސް ފާހަގަ ކޮށްފައިވަނީ މި މަހުގެ 20 ވަނަ ދުވަހު ސައުތު އެފްރިކާގައެވެ. ސައުތު އެފްރިކާގައި އާއިލާއާއި އެކު ނަގާފައިވާ ފޮޓޯތައް ވަނީ އާންމު ކޮށްފައެވެ. ކަރީނާ އާއި އާއިލާ ލަންޑަނަށް ގޮސްފައިވަނީ ތައިމޫރުގެ އުފަންދުވަސް ފާހަގަކުރުމަށް ފަހު ސައުތު އެފްރިކާއިން އިންޑިއާއަށް ދިއުމަށްފަހު އެވެ.
