ރާއްޖެ
ސަފީރުން އައްޔަންކުރުން
އިތުރު 3 ސަފީރަކަށް ރުހުން ދިނުމަށް މަޖިލީހަށް ފޮނުއްވައިފި
މިފަހަރު ފޮނުވާފައިވަނީ ޗައިނާ، ތައިލެންޑް އަދި ސައޫދީޢަރަބިއްޔާއަށް ކަނޑައަޅާ ސަފީރުންނަށް ރުހުން ދިނުމަށް
މިއުވާން މުހައްމަދު, ރާއްޖެ އެމްވީ | 12 ޑިސެމްބަރު 2018 | ބުދަ 08:57
ރައްޔިތުންގެ މަޖިލީހުގެ ޖަލްސާއެއްގެ ތެރެއިން
ރާއްޖެއިން އިތުރު 3 ޤައުމަކަށް ކަނޑައަޅާ ސަފީރުންގެ ނަންފުޅު، ރައްޔިތުންގެ މަޖިލީހަށް ފޮނުވައިފިއެވެ.
މީގެ ކުރިން 8 ޤައުމަކަށް ފޮނުވާ ސަފީރުންގެ ނަންފުޅު މަޖިލީހަށް ފޮނުވާފައިވާއިރު، މިފަހަރު ފޮނުވާފައިވަނީ ޗައިނާ، ތައިލެންޑް އަދި ސަޢޫދީޢަރަބިއްޔާއަށް ކަނޑައަޅާ ސަފީރުންގެ ނަންފުޅެވެ.
މަޖިލީހަށް ނަންފުޅު ފޮނުއްވި 3 ބޭފުޅުންނަކީ؛
- ތައިލެންޑްގެ ސަފީރަކަށް މުހައްމަދު ޖިނާހު، މއ. ތިބުރޯޒް
- ސައުދީ އަރަބިއްޔާގެ ސަފީރަކަށް މުހައްމަދު ޚަލީލް، ގ. އުތުރުގެއާގެ
- ޗައިނާގެ ސަފީރަކަށް އައިޝަތު އަޒީމާ، މ. ބީނާފުށި
މީގެ ކުރިން މަޖިލީހަށް ނަންފުޅު ފޮނުއްވި 8 ބޭފުޅުންނަށްވެސް ޤައުމީ ސަލާމަތު ކޮމިޓީއިން ވަނީ ރުހުން ދީފައެވެ. އަލަށް ނަންފުޅު ފޮނުވި 3 ބޭފުޅުންގެ ނަންފުޅު ދިރާސާކުރުމަށްވެސް މަޖިލީހުގެ ޤައުމީ ސަލާމަތު ކޮމިޓީއަށް ވަނީ ފޮނުވާފައެވެ.
