މަރުޖާވާންގެ ފުރަތަމަ ފޮޓޯ ސިދާތް ހިއްސާކޮށްފި

ބޮލީވުޑް އެކްޓަރ ސިދާތް މަލޯތްރާ ވަނީ އޭނާގެ ދެން އަންނަން އޮތް ފިލްމް "މަރުޖަވާން" ގެ ޝޫޓިންތައް ފަށާފައެވެ.

ހުކުރު ދުވަހު ސިދާތް ކޮށްފައިވާ ޓްވީޓްގައި އޭނާ ވަނީ އެ ފިލްމްގެ ފޮޓޯއެއް ހިއްސާ ކޮށްފައެވެ.

އެ ފޮޓޯގެ ކެޕްޝަންގައި އޭނާ ލިޔެފައިވަނީ " އިޝްގް އައުރް އިންތިގާމް ކާ ކޮއި މަޒްހަބް ނެހީ، ކޮއި އޭކް ރަބް ނެހީ" އެވެ.

މި ފިލްމުން ފެނިގެންދާ އެކްޓަރެއް ކަމަށްވާ ރަކުލް ޕްރީތް ވެސް ވަނީ އޭނާގެ އިންސްޓަގްރާމްގައި "މަރުޖާވާން" ޓީމް ގެ ފޮޓޯއެއް ހިއްސާކޮށްފައެވެ. އެ ފޮޓޯގެ ކެޕްޝަންގައި ލިޔެފައިވަނީ އާ ދަތުރަކަށް ފެށުނީ ކަމަށާއި މަރުޖާވާންގެ ޓީމާއި އެކު މަސައކަތް ކުރަން ތައްޔާރަށް ހުރި ކަމަށެވެ.

މި ފިލްމްގެ ޑައިރެކްޓަރ މިލަޕް ޒަވޭރީވެސް ވަނީ ސިދާތްގެ ފޮޓޯ ހިއްސާކޮށްފައެވެ.

"މަރުޖަވާން" މި ފިލްމް ރިލީޒް ކުރުމަށް ހަމަޖެހިފައިވަނީ 2019 ވަނަ އަހަރުގެ އޮކްޓޯބަރު މަހުގެ ދެވަނަ ދުވަހު އެވެ.

މި ފިލްމްގައި ސިދާތްގެ އިތުރުން ދެން ފެނިގެން ދާނީ ރިތޭޝް ދޭޝްމުކް، ރަކުލް ޕްރީތް ސިންގް އަދި "ސްޓޫޑެންޓް އޮފް ދަ އިޔާ 2" އިން ބޮލީވުޑަށް ތަޢާރަފް ވެގެންދާ ތާރާ ސުތޭރިއާ އެވެ.

މި ފިލްމް ވެގެންދާނީ ސިދާތް އާއި ރިތޭޝް ހަތަރު އަހަރަށްފަހު އެކުގައި ފެނިގެންދާ ފިލްމަށެވެ.

އެދެތަރިން އެކުގައި އެންމެ ފަހުން ފެނިގެން ގޮސްފައިވަނީ "އޭކް ވިލަން" އިންނެވެ. މި ފިލްމަޢި ބެހޭ އިތުރު ތަފްސީލްތައް އަދި ހާމަކޮށްފައެއް ނުވެއެވެ.