ސައިބަރ ކުށްތައް މަދުކުރެވޭނެ ގޮތްތަކެއް ހޯދަނީ
ގާނޫނީ އޮނިގަނޑު އިސްލާހު ކުރުމާއި ގުޅޭގޮތުން މަޝްވަރާކުރެއްވި
މިނިސްޓަރ މަލީހު ފުލުހުންނާއި ބައްދަލުކުރައްވަނީ
ސައިބަރ ކުށްތައް މަދުކުރުމާއި ގުޅޭ ގޮތުން މަޝްވަރާ ކުރެއްވުމަށް މިނިސްޓަރ އޮފް ކޮމިއުނިކޭޝަން ސައިންސް އެންޑް ޓެކްނޮލޮޖީ މަލީހު ޖަމާލް އާދިއްތަ ދުވަހު ފުލުހުންނާއި ބައްދަލުކުރައްވައިފިއެވެ.
މި ބައްދަލުވުމުގައި ސައިބަރ ކުށްތައް މަދުކުރެވޭނެ ގޮތްތަކާއި އަދި އެކަމާއި ގުޅޭ ގާނޫނީ އޮނިގަނޑު އިސްލާހު ކުރުމާއި ގުޅޭ ގޮތުން މަޝްވަރާކުރެއްވި އެވެ. މީގެ އިތުރުން އެޓާރނީ ޖެނެރަލްގެ އޮފީހާއި ގުޅިގެން، ސައިބަރ ކުށްތައް ހުއްޓުވުމަށް އެކަށީގެންވާ ޤާނޫނުތަކެއް ހެދުމާއި ގުޅޭގޮތުން ވެސް މަޝްވަރާކުރެއްވި އެވެ.
މޯލްޑިވްސް ޕޮލިސް ސަރވިސްގެ ސައިބަރ ކްރައިމް ޑިޕާރޓްމަންޓަށް ހުށަހެޅޭ މައްސަލަތަކަށް ބަލާއިރު އެންމެ އާންމުކޮށް އުޅެނީ ހެކްކުރުމާއި، ޑިސްޓްރިބިއުޓިވް ޑިނައިލް އޮފް ސަރވިސް (ޑީޑޮސް) އެޓޭކްސް ދިނުމުގެ އިތުރުން ޝޯޝަލް މީޑިއާތަކުގެ ޒަރީއާއިން އިންޒާރުދިނުމާއި ބިރުދެއްކުމާއި އޮންލައިން ޑެބިޓް އަދި ކްރެޑިޓް ކާރޑް ފްރޯޑް ފަދަ ކުށްތަކެވެ.
