ވިލިނގިލީގައި ހުރި ފުލުހުންގެ އެކޮމޮޑޭޝަން ބްލޮކްގައި ރޯވެއްޖެ
1 ޑިސެމްބަރު 2018 | ހޮނިހިރު 22:44އިމާރާތުގެ ތެރޭގައި ނިދާފައި އޮތް ދެ ފުލުހަކަށް އަނިޔާ ލިބިގެން ހޮސްޕިޓަލުގައި ދަނީ ފަރުވާދެމުން
އަމަން ހަލީމް | 1 ޑިސެމްބަރު 2018 | ހޮނިހިރު 22:44
ފުލުހުންގެ އެކޮމޮޑޭޝަންގައި ރޯވެފައި ހުރި އަލިފާން
ގއ. ވިލިނގިލީގައި މަސައްކަތް ކުރާ ފުލުހުންގެ އެކޮމޮޑޭޝަން ބްލޮކްގައި ރޯވެ އަނދަމުން އެބަދެއެވެ.
ރާއްޖެ އެމްވީ އަށް މައުލޫމާތު ދެމުން އެ ރަށު ކައުންސިލް މެމްބަރަކު ވިދާޅުވީ އަލިފާނުގެ ހާދިސާ ހިނގި އިރު އެ އިމާރާތުގެ ތެރޭގައި ނިދާފައި އޮތް ދެ ފުލުހަކަށް އަނިޔާ ލިބިގެން، މިހާރު ހޮސްޕިޓަލުގައި ފަރުވާ ދެމުން ދާ ކަމަށެވެ. ނަމަވެސް ލިބިފައިވާ އަނިޔާތަކުގެ ތަފްސީލެއް އަދި ނުލިބެއެވެ.
އަލިފާން ނިއްވުމުގެ މަސައްކަތުގައި އެ ރަށު ކައުންސިލާއި ރައްޔިތުންނާއި އަދި ފުލުހުން ގުޅިގެން ދަނީ ހަރަކާތްތެރިވަމުންނެވެ. އަލިފާން ރޯވާން މެދުވެރިވީ ސަބަބެއް މިހާތަނަށް ލިބުނު މައުލޫމަތުން ސާފުވާ ގޮތް ވަނީ ނުވެފައެވެ.
