ނޭޝަނަލް ޑިޒާސްޓަރ މެނޭޖްމެންޓް ސެންޓަރަށް ޑިފެންސް މިނިސްޓަރު މާރިޔާ އަޙްމަދު ދީދީ ބުދަ ދުވަހު ޒިޔާރަތްކުރައްވައިފިއެވެ.
ޑިފެންސް މިނިސްޓްރީން ބުނީ މިނިސްޓަރު މާރިޔާގެ މި ޒިޔާރަތުގައި ނޭޝަނަލް ޑިޒާސްޓަރ މެނޭޖްމެންޓް ސެންޓަރގައި މަސައްކަތްކުރައްވާ މުވައްޒަފުންނާއި، އެތަނުގެ އިސް ބޭފުޅުންނާ ބައްދަލުކުރައްވާފައިވާ ކަމަށެވެ.
ޑިފެންސް މިނިސްޓްރީން ބުނީ މިބައްދަލުކުރެއްވުމުގައި ނޭޝަނަލް ޑިޒާސްޓަރ މެނޭޖްމެންޓް ސެންޓަރގައި މަސައްކަތްތައް ކުރިއަށްދާ ގޮތާއި އެތަނުގެ މަސައްކަތްތައް އިތުރަށް ހަރުދަނާކުރުމަށް ކުރެވިދާނެ ކަންތައްތަކާ ބެހޭގޮތުން މަޝްވަރާކުރައްވާފައިވާ ކަމަށެވެ.
ޑިފެންސް މިނިސްޓަރުގެ މަގާމާއި ހަވާލުވެލެއްވުމަށްފަހު މާރިޔާ އަންނަނީ މައްސޫލިއްޔަތު އަދާކުރެއްވުމަށް ކަމާއި ބެހޭ އިދާރާތަކަށް ވަޑައިގަންނަވާ ހާލަތު ބައްލަވަމުންނެވެ.
