ހައުސިންގ މިނިސްޓްރީން ފައިސާ ނުލިބި ހުރި ބިލްތައް ހުށަހެޅުމަށް އެދިއްޖެ
28 ނޮވެމްބަރު 2018 | ބުދަ 06:27ބިލްތައް ހުށަހެޅެނީ އަންނަ މަހުގެ 6 ގެ ނިޔަލަށް
ހައުސިންގ މިނިސްޓްރީން ހާބަރ ފުޑްކޯރޓްތައް ހަދަނީ
ހައުސިން މިނިސްޓްރީން މިއަހަރުގެ ފުރަތަމަ ހަ މަސް ދުވަހުގެ ތެރޭގައި ގަނެފައިވާ މުދާ އަދި ހޯދާފައިވާ ހިދުމަތްތަކަށް ބިލް ހުށަހަޅުއްވައި ފައިސާ ލިބިފައިނުވާ ފަރާތްތަކުން މިނިސްޓްރީއަށް ބިލް ހުށަހަޅާފައިވާކަން ޔަގީން ކޮށްދޭން އެދިއްޖެއެވެ.
އެ މިނިސްޓްރީން ބުދަ ދުވަހު ކުރި އިއުލާނެއްގައި ބުނެފައިވަނީ މިނިސްޓްރީއަށް ބިލް ހުށަހަޅުއްވައި ޕޭމްންޓް ލިބިފައިނުވާ ފަރާތްތަކުން މިނިސްޓްރީއަށް ބިލް ލިބިފައިވާކަން ޔަގީން ކޮށްދެއްވުން އެދޭ ކަމަށެވެ.
މިނިސްޓްރީއަށް ބިލް ހުށަހަޅާފައި ނުވާ ފަރާތްތަކުން އަންނަ މަހުގެ 6 ވާ ބުރާސްފަތި ދުވަހުގެ 14:00 ގެ ކުރިން މިނިސްޓްރީ އޮފް ނޭޝަނަލް ޕްލޭނިންގ އެންޑް އިންފްރާސްޓްރަކްޗާއަށް ބިލް ހުށަހަޅަން ޖެހޭނެ ކަމަށް ވެސް އެމިނިސްޓްރީން ބުނެއެވެ.
މިނިސްޓްރީން ބުނީ ބިލްތައް ބަލައި ގަންނާނީ ރަސްމީ ކޮންމެ ދުވަހެއްގެ ހެނދުނު 8:00 އިން ފެށިގެން 14:00 އަށް ޕްލޭނިން މިނިސްޓްރީން ކަމަށެވެ. އަދި އަންނަ މަހުގެ ހަ ވަނަ ދުވަހުގެ 14:00 ގެ ފަހުން އެ ބިލްތައް ހުށަހަޅާ ފަރާތްތަކުގެ ބިލްތައް ބަލައި ނުގަންނާނެ ކަމަށް ވެސް އެމިނިސްޓްރީން ބުނެއެވެ.
