ދަތުރުވެރިން ދުރާލާ ޗެކިން ކުރެއްވުމަށް އެމްއޭސީއެލް އިން އިލްތިމާސްކޮށްފި
ދުރާލާ ޗެކިން ކުރުމަށް އެމްއޭސީއެލް އިން އެދޭ
ވެލާނާ އިންޓަނޭޝަނަލް އެއާޕޯޓް
ވެލާނާ އިންޓަނޭޝަނަލް އެއާޕޯޓުން ބޭރު ގައުމުތަކާއި އެތެރޭގެ އުދުހުން ތަކުގައި ދަތުރުކުރައްވާ ފަރާތްތަކުން ދުރާލާ ޗެކިން ކުރެއްވުމަށް ވެލާނާ އިންޓަރނޭޝަނަލް އެއަރޕޯޓް ހިންގާ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން އިލްތިމާސްކޮށްފިއެވެ.
އެމްއޭސީއެލުން ހުކުރު ދުވަހު ކޮށްފައިވާ ޓްވީޓެއްގައި ބުނެފައިވަނީ ވެލާނާ އިންޓަނޭޝަނަލް އެއާޕޯޓުން ދަތުރުކުރައްވާ ފަރާތްތަކުން ގިނަ އިރު ކިއުތަކުގައި މަޑުކުރަން ނުޖެހޭނެގޮތަށް ދުރާލާ ވަޑައިގެން ޗެކިން ކުރެއްވުން އެދޭކަމަށެވެ. އެގޮތަށް އިލްތިމާސްކޮށްފައި މިވަނީ މީހުން ގިނަ ވުމުގެ ސަބަބުން ގިނަ އިރު ކިއުތަކުގައި މަޑުކުރަން ޖެހިދާނެފަދަ ހާލަތެއް މެދުވެރި ވެދާނެތީއެވެ.
އެމްއޭސީއެލުން މިހެން އިލްތިމާސްކޮށްފައިވާއިރު، މި ދުވަސް ވަރަކީ ސްކޫލް ޗުއްޓީ ދުވަސްވަރުކަމަށްވުމާއިއެކު ރާއްޖެއާއި ރާއްޖެއިން ބޭރަށް ގިނަ އަދަދެއްގެ ދިވެހިން ދަތުުރުކުރެއެވެ. އެގޮތުން އަވަށްޓެރި ޤައުމުތަކަށް ދަތުރުކުރާ ދިވެހިންގެ އަދަދު އަހަރަކަށްވުރެ އަހަރެއް ދަނީ އިތުރުވަމުންނެވެ.
