އަހަންނަށް ޖަލުގައި އަނިޔާކޮށްފައިވޭ: މަދުޝަންކަރު
ޖަލުގައި ކުރެވުނީ ހިތި ތަޖްރިބާއެއް
ލަހިރު މަދުޝަންކަރު
ސްނައިޕަރއެއް ކަމަށް ބުނެ ރައީސް ޔާމީންގެ ސަރުކާރުން ހައްޔަރުކޮށްފައިވާ ސްރީލަންކާގެ ރައްޔިތެއްކަމަށްވާ ލަހިރު މަދުޝަންކަރުއަށް ރާއްޖޭގެ ޖަލުގައި އަނިޔާކޮށްފައިވާ ކަމަށް އޭނާ ބުނެފިއެވެ.
ޖަލުން މިނިވަންވުމަށްފަހު ރާއްޖެ އެމްވީއަށް ދިން އިންޓަރވިއުއެއްގައި މަދުޝަންކަރު ބުނީ އޭނާ އަށް ޖަލުގައި އަނިޔާކޮށްފައިވާ ކަމަށާއި، އޭނާ އާއި ދޭތެރޭ ކަންތަށް ކޮށްފައިވަނީ ވަރަށް އިހާނެތިކޮށް ކަމަށެވެ.
މަދުޝަންކަރު އޭނާއަށް އަނިޔާކޮށްފައިވާ ކަމަށް ރާއްޖެ އެމްވީއަށް ދިން އިންޓަރވިއުގައި ބުނެފައިވާއިރު، އޭނާއަށް ރާއްޖޭގެ ޖަލުގައި ބޮޑެތި އަނިޔާތަކެއް ދީފައިވާކަމަށް އިންސާނީ ހައްޤުތަކަށް މަސައްކަތްކުރާ ޖަމްއިއްޔާއެއްކަމަށްވާ އެމްނެސްޓީ އިންޓަރނޭޝަނަލް އިންވެސް ވަނީ ބުނެފައެވެ.
Your browser doesnt support video. Please download the file: video/mp4
މަދުޝަންކަރު ބުނީ އޭނާއަށް ޖަލުގައި ކުރެވުނު ތަޖްރިބާ އޭނާ ސިފަކުރާނީ ވަރަށް ހިތި ތަޖްރިބާއެއްގެ ގޮތުގައި ކަމަށެވެ. މަދުޝަންކަރު ބުނީ އޭނާ ރާއްޖެ އައިސްފައިވަނީ މަހުގެ ވިޔަފާރިކުރުމުގެ ގޮތުން ކަމަށެވެ.
ޖަލުގައި ތިން އަހަރުދުވަސް ހޭދަކުރުމަށްފަހު އޭނާ މިނިވަންވެފައިވަނީ ބުދަދުވަހުގެ ރެއެވެ. އޭނާ މިނިވަންވެފައިވަނީ އޭނާއަށް ކުރެވުނު ތުހުމަތު ކޯޓުގައި ސާބިތުނުވުމާއި ގުޅިގެންނެވެ.
2015 ވަނަ އަހަރު މަދުޝަންކަރު ހައްޔަރުކުރީ އޭނާއަކީ ކުރީގެ ރައީސް އަބްދުﷲ ޔާމީން އަވަހަރާކޮށްލަން އޭރުގެ ނައިބު ރައީސް އަހުމަދު އަދީބުގެ ރޭވުމެއްގެ ދަށުން ގެނައި ސްނައިޕަރެއްކަމަށް ބުނެއެވެ.
ލަންޑަންގައި މައި އޮފީސް ޤާއިމްކޮށްފައިވާ އެމްނެސްޓީއިން "މޯލްޑިވްސް: ދަ ޓޯޗަރަސް އޯޑީލް އޮފް އަ ޕްރިޒަނަރ އިން ޕެރެޑައިސް"ގެ ނަމުގައި ނެރުނު ރިޕޯޓުގައި ތުހުމަތުކޮށްފައިވާ ގޮތުގައި މަދުޝަންކަރު ހައްޔަރުކުރި ހިސާބުން ފެށިގެން ތަހުޤީޤީ މަރުހަލާގައިވެސް އަދި ޖަލުގައިވެސް އޭނާއަށް ބޮޑެތި ލާއިންސާނީ އަނިޔާތައް ދީފައިވެއެވެ.
