ބަދާއީހޯ 200 ކްރޯޑަށް އަރައިފި
22 ނޮވެމްބަރު 2018 | ބުރާސްފަތި 01:03ދުނިޔޭގެ އެކި ކަންކޮޅުތަކުން ލިބިފައިވާ އާމްދަނީ ޖުމްލަ 201 ކްރޯޑަށް ވަނީ އަރާފައި
ބަދާއީހޯ ގެ ޕޯސްޓަރު
ލީޑް ރޯލުން އަޔުޝްމަން ކުރާނާ ފެނިގެންދާ ފިލްމް "ބަދާއީހޯ" ބޮކްސް އޮފީހުގައި 200 ކްރޯޑަށް އަރައިފި އެވެ.
ޓްރޭޑް އެނަލިސްޓް ތަރަން އާދާޝް ކޮށްފައިވާ ޓްވީޓްގައި ވަނީ އެ ފިލްމަށް މިހާރު ދުނިޔޭގެ އެކި ކަންކޮޅުތަކުން ލިބިފައިވާ އާމްދަނީ ޖުމްލަ 201 ކްރޯޑަށް އަރާފައިވާ ކަމަށެވެ. އޭގެ ތެރެއިން ހަމައެކަނި އިންޑިއާއިން ވަނީ 158 ކްރޯޑް ރުޕީސް ލިބިފައެވެ. ދުނިޔޭގެ އެކި ކަންކޮޅުތަކުން ވަނީ 43 ކްރޯޑް ރުޕީސް ލިބިފައި ކަމަށް ތަރަން ގެ ޓްވީޓްގައި ވެއެވެ.
އަމިތް ޝަރްމާ ޑައިރެކްޓްކޮށްފައިވާ މި ފިލްމަކީ މެދު އުމުރުގެ ދެމަފިރިންގެ ދިރިއުޅުމުގައި ދިމާވާ ހެއްވާ މަޖާކަންތައްތަކެއްގެ މައްޗަށް ތައްޔަރު ކޮށްފައިވާ ފިލްމެކެވެ.
މިފިލްމުގައި އަޔުޝްމަންގެ އިތުރުން ދެން ފެނިގެން ދަނީ ސަނާޔާ މަލޯތްރާ، ނީނާ ގުޕްތާ އާއި ސުރޭޚާ ސިކްރީ، ގަޖްރާޖް ރާއޯ އަދި ޝީބާ ޗައްދާއެވެ. މި ފިލްމް ޑައިރެކްޓް ކޮށްފައި ވަނީ އަމިތް ޝަރްމާއެވެ.
މިފިލްމް ވެގެން ގޮސްފައި ވަނީ އަޔުޝްމަން ކުޅުނު ފިލްމް ތަކުގެ ތެރެއިން ބޮކްސް އޮފީހުގައި އެންމެ ބޮޑު ކާމިޔާބީ ލިބިގެން ދިޔަ ފިލްމަށެވެ.
