ވިލިނގިލި ބީއެމްއެލް ބްރާންޗުން ވައްކަން ކުރި މައްސަލާގައި 6 މީހަކު ހައްޔަރުކޮށްފި
20 ނޮވެމްބަރު 2018 | އަންގާރަ 01:46ވައްކަންކޮށްފައިވަނީ ފުރާޅު ހަލާކުކޮށްލައިގެން އެތަށްވަދެ
ގއ. ވިލިނގިލި - އެ ރަށުން ހަ މީހަކު ހައްޔަރުކޮށްފައިވޭ
ބޭންކް އޮފް މޯލްޑިވްސްގެ ގއ. ވިލިނގިލި ބްރާންޗުން ވައްކަންކުރި މައްސަލާގައި ހަ މީހަކު ހައްޔަރުކޮށްފި އެވެ.
ފުލުހުންގެ މީޑިއާ އޮފިޝަލް ވިދާޅުވީ ބީއެމްއެލްގެ ވިލިނގިލި ބްރާންޗުން ވައްކަންކޮށްފައިވަނީ ފުރާޅު ހަލާކުކޮށްލައިގެން އެތަށްވަދެކަމަށެވެ. އަދި އެ ބްރާންޗުން ގިިނަ އަދަދެއްގެ ފައިސާ ވަގަށް ނަގާފައިވާކަމަށް އޮފިޝަލް ވިދާޅުވި އެވެ.
އެ މައްސަލާގައި ފުލުހުންގެ އިންޓަލިޖެންސާއި ގުޅިގެން ހިންގި އޮޕަރޭޝަނެއްގައި ވައްކަމުގެ ތުހުމަތުގައި ހަ މީހަކު ހައްޔަރުކޮށްފައިވާކަމަށް އޮފިޝަލް ވިދާޅުވި އެވެ. ނަމަވެސް ހައްޔަރުކުރި މީހުންގެ ތަފްސީލެއް ހާމަނުކޮށް، އޮފިޝަލް ވިދާޅުވީ އެންމެވެސް ހައްޔަރުކޮށްފައިވަނީ ކޯޓު އަމުރެއްގެ ދަށުން ކަމަށެވެ.
އެ މީހުން ހައްޔަރުކޮށް، ވަގަށް ނެގި ގިނަ އަދަދެއްގެ ފައިސާ ހޯދާފައިވާކަމަށްވެސް އޮފިޝަލް ވިދާޅުވި އެވެ.
