މަހިބަދޫ ފުޓުބޯޅަ ދަނޑު ހުޅުވުމުގެ ގޮތުން ޓީސީއާ މެޗެއް ކުޅެނީ!
މަހިބަދޫ ފުޓުބޯޅަ ދަނޑު ހުޅުވާނީ ހުކުރު ދުވަހު
މަހިބަދޫގައި އެޅި ފުޓުބޯލަ ދަނޑު
އދ. މަހިބަދޫގައި އަޅާފައިވާ ޓާފް ބޮޑު ފުޓުބޯޅަ ދަނޑު ހުޅުވުމުގެ ގޮތުން ޓީސީ ސްޕޯޓްސް ކްލަބާ ދެކޮޅަށް މަހިބަދޫ އިން ހޮވާލެވޭ ޓީމެއް ކުޅޭ ގޮތަށް ހަމަޖެހިއްޖެއެވެ.
ރާއްޖެއެމްވީ އަށް މައުލުމާތު ދެމުން މަހިބަދޫ ސްޕޯޓްސް ކްލަބުން ބުނީ، ޓީސީއާ ދެކޮޅަށް ކުޅޭ މެޗުގައި މަހިބަދޫ ޓީމުން އެ ރަށަށް ނިސްބަތްވާ ރާއްޖޭގެ ނަން މަޝްހޫރު ގިނަ ކުޅުންތެރިން ފެނިގެންދާނެ ކަމަށެވެ.
ރާއްޖެއެމްވީ އަށް މައުލޫމާތު ދެމުން ޓީސީ ސްޕޯޓްސް ކްލަބްގެ ކޯޗު މުހައްމަދު ނިޒާމް (ނިޒާމްބެ) ބުނީ، ޓީސީން މަހިބަދޫ އަށް ދާނީ ކޭމެޕް ކުރުމުގެ ގޮތުން ކަމަށެވެ.
އެގޮތުން ނިޒާމްބެ ބުނީ، ހުކުރު ދުވަހު މަހިބަދޫއާ ދެކޮޅަށް މެޗު ކުޅުމަށްފަހު ޓީސީ އެނބުރި މާލެ އަންނާނީ ހޮނިހިރު އަދި އާދީއްތަ ދުވަހު އެ ރަށުގައި ފަރިތަކުރުންތައް ކުރިޔަށް ގެންދިޔުމަށް ފަހު ހޯމަ ދުވަހު ކަމަށެވެ.
މަހިބަދޫގެ ދަނޑު ހުޅުވުމުގެ ގޮތުން ޓީސީ އަދި މަހިބަދޫ ކުޅޭ މެޗު އޮންނާނީ ހުކުރު ދުވަހު ހަވީރު 4 ޖަހާއިރެވެ.
މަހިބަދޫ ސްޕޯޓްސް ކްލަބުން އިސް ނަގައިގެން ޓޫރިޒަމް ދާއިރާގެ އެހީއާ އެކު މަހިބަދޫގައި އެޅި މި ފުޓުބޯޅަ ދަނޑުގައި އޭއެފްސީ ކަޕްގެ މެޗުތައްވެސް ކުޅެވޭނެއެވެ.
މަހިބަދޫ ދަނޑާ ގުޅޭ އިތުރު ޕްރޮޖެކްޓްތައް މަހިބަދޫ ސްޕޯޓްސް އިން އަންނަނީ ރާވަމުންނެވެ. އެގޮތުން ލައިޓިން ސިސްޓަމް ހަރުކުރުމާއި، ސިޑި ބަރި އާއި ޗޭންޖިން ރޫމްތައް ހެދުން ހިމެނެއެވެ.
