އާ ރަށުގައި ބިނާކުރި ގަނޑުވަރުގެ ފޮޓޯތަކެއް ޢާއްމު ކޮށްފި
11 ނޮވެމްބަރު 2018 | އާދީއްތަ 12:08ފޮޓޯތައް ޢާއްނު ކުރެއްވީ މަހްލޫފް
އާރަށުގައި ބިނާ ކުރި ގަނޑުވަރުގެ ފޮޓޯ
އާރަށުގައި ރައީސް އަބްދުﷲ ޔާމީން ހުންނެވުމަށް ސިފައިން ލައްވާ ބިނާ ކުރެއްވި "ގަނޑުވަރު"ގެ ފޮޓޯތަކެއް ގަލޮޅު ދެކުނު ދާއިރާގެ މެންބަރު އަހުމަދު މަހުލޫފު އާއްމު ކުރައްވައިފިއެވެ.
އާރަށުގެ ހުޅަނގު އުތުރު ފަރާތު ގޮނޑުދޮށް ކައިރީގައި ސިފައިން ލައްވާ މިއަހަރު ހަދާ ނިންމާފައިވާ ގަނޑުވަރު ޑިޒައިން ކޮށްފައިވަނީ ދުރުން ފެންނަ އިރު އިހުގެ ރަސްރަސްކަލުން އުޅުއްވި ފަދަ ގަނޑުވަރުތައް ސިފަވާ ގޮތަށެވެ.
ފޮޓޯތައް އެޓޭޗް ކުރައްވާ މަހްލޫފް ކުރައްވާފައިވާ ޓްވީޓްގައި ވިދާޅުވެފައިވަނީ ވަށައިގެން ސިފައިންނާއި ފުލުހުން އަތުރައިގެން އަދި ކޯޓް ތަކުން ހަރާމް ހުކުމްތައް ކުރުވައިގެން ގަދަބާރުން މުޅި އުމުރަށް ވެރިކަމުގައި ހުރެވޭނެ ކަމަށް ޔަޤީންކޮށް އާރަށުގައި ޔާމީން އަޅާފައިވާ ގަނޑުވަރު ކަމަށެވެ.
ރައީސް ޔާމީން މިހާރު ގިނައިން ދިރިއުޅުއްވަނީ ގިނައިން އާރަށުގައެވެ.
