ޤައުމީ ދުވަހުގެ މުނާސަބަތާއި ގުޅިގެން އެމްއެންޑީއެފްގެ ހެވި ކަމުގެ ހަރަކާތްތައް ހއ. އުތީމުގައި ހުކުރު ދުވަހު ބާއްވައިފިއެވެ.
އެމްއެންޑީއެފްގެ ފަރާތުން ބޭއްވި ޑްރިލް ޑިސްޕްލޭގެ ހަރަކާތް ކުރިއަށް ގެންގޮސްފައި ވަނީ ހުކުރު ދުވަހުގެ ހަވީރު އުތީމު ބަނދަރު ސަރަޙައްދުގައެވެ.
މީގެ އިތުރުން ޤައުމީ ދުވަހާއި ގުޅިގެން ހދ. ކުޅުދުއްފުށީގައި ވެސް ހޮނިހިރު ދުވަހުގެ ހަވީރު 16:30 ގައި، އެ ރަށު ޒޯން ސްޓޭޑިއަމް ސަރަޙައްދުގައި، އެމްއެންޑީއެފްގެ ޑްރިލް ޑިސްޕްލޭގެ ހަރަކާތްތައް ބޭއްވުމަށް ވަނީ ހަމަޖެހިފައެވެ.
ހއ.އުތީމުގައި ބޭއްވި ޑްރިލް ޑިސްޕްލޭ ބަލާލުމަށް ގިނަ އަދަދެއްގެ ބަޔަކު ޒިޔާރަތް ކުރި ކަމަށާއި އާންމުންގެ ބޮޑު ތަރުހީބެއް ޑްރިލް ޑިސްޕްލޭއަށް ލިބުނު ކަމަށް އެމްއެންޑީއެފް އިން ބުންޏެވެ.
ރާއްޖޭގެ އެކި ރަށްރަށުގައި އެމްއެންޑީއެފްގެ ޑްރިލް ޑިސްޕްލޭ މީގެ ކުރިން ވެސް ވަނީ ހުށަހަޅައިދީފައެވެ.
