ތާލިބާނުގެ ބައްޕަ މަރާލައިފި
3 ނޮވެމްބަރު 2018 | ހޮނިހިރު 06:43ހައްޤާނީ މަރާލެވުނު ގޮތާމެދު އަދިވެސް ފުށުއެރުންތައް އެބަހުރި
މައުލާނާ ސަމީއުލް ހައްގަކީ ޙައްޤާނީ މަދްރަސާގެ ވެރިޔާ
ޕާކިސްތާނުގެ ދީނީ އިލްމުވެރިޔާ އަދި ތާލިބާނުންގެ ބައްޕަގެ ގޮތުގައި މަޝްހޫރުވެފައިވާ މައުލާނާ ސަމީއުލް ހައްގު އެ ގައުމުގެ އުތުރުގެ ސިޓީއެއް ކަމަށްވާ ރާވަލް ޕިންޑީގައި މަރާލައިފިއެވެ.
ޕާކިސްތާނުގެ މީޑިއާތަކުން އޭނާގެ އާއިލާއާ މެމްބަރުންނާ ހަވާލާދީ ބުނެފައިވަނީ އޭނާ މަރާލާފައިވަނީ ތޫނު އެއްޗަކުން ހަމަލާދީގެންކަމަށެވެ. އެހެން ބައެއް ރިޕޯޓްތައްބުނާގޮތުން އޭނާ މަރާލާފައިވަނީ ބަޑިޖަހައިގެންނެވެ.
ނަމަވެސް އެ ހަމަލާ ދިން ސަބަބެއް ސާފެއް ނުވެއެވެ.
އޭނާއަކީ ތާލިބާންގެ ފައުންޑަރ މުއްލާ އުމަރު އަދި ތާލިބާނުންގެ އެތައް ބަޔަކު ކިޔަވާފައިވާ ޙައްޤާނީ މަދްރަސާގެ ވެރިޔާއެވެ.
ހައްޤާނީ މަރާލެވުނު ގޮތާމެދު އަދިވެސް ފުށުއެރުންތައް ހުރި އެތައް ރިޕޯޓެއް ލިބެމުންދެއެވެ.
އޭނާގެ ފިރެން ދަރި ބުނެފައިވަނީ ސަމީއުލް ހައްގު މަރާލާފައި ވަނީ ރާވަލްޕިންޑީގައި ހުންނަ ގޭގައި ހުއްޓައި އެތައް ފަހަރަކު ގަޔަށް ވަޅިހަރައިގެން ކަމަށެވެ،
"އޭނާ އޮތީ އަސްރު ވަގުތު އޭނާގެ ޑްރައިވަަރު 15 މިނެޓަށް ބޭރަށް ދިޔައިރު ކޮޓަރީގައި އަރާމުކޮށްލަން" މައުލާނާ ހާމިދުލް ހައްގު ބުނިކަމަށް ޖިއޯ ޓީވީގައި ބުނެފައިވެއެވެ.
"އޭނާ އެނބުރި އައިރު ފެނުނީ މައުލާނާ ސަމީއުލް ހައްޤު އެނދުމަތީގައި މަރުވެެ ހަށިގަނޑު ލެއިން ތަތްތެޅިފައި ވަނިކޮށް"
ސާމިއުލް ހައްގުގެ އާއިލާ މެމްބަރެއްގެ ދަރިއެއްކަމަށްވާ މުހައްމަދު ބިލާލް ރޮއިޓަރސްގައި ބުނެފައިވަނީ އޭނާގެ ބޮޑުބޭބެ މަރުވެފައި ވަނިކޮށް ފެނިފައިވަނީ އިސްލާމް އާބާދުގެ ރައްބޭރުގައި ހުންނަ އޭނާގެ ގެއިން ކަމަށެވެ. އަދި ބަޑިޖަހާފައިވާއިރު ވަޅިވެން ވެސް ހަމަލާ ދީފައިވާ ކަމަށެވެ.
ހުކުުރު ދުވަހު ދިން މި ހަމަލާގެ ޒިންމާ އެއްވެސް ޖަމާއަތަކުން އުފުލާފައެއް ނުވެއެވެ.
އަފްޣާނިސްތާނުގެ އޮފިޝަލުން ދާދިފަހުންވަނީ ސުލްހައިގެ ވާހަކަތައް ފެށުމަށް ތާލިބާނުންނަށް ވިސްނައިދީ ވާހަކަތަކަށް ފެށުމަށް ތާލިބާނުންގާތު ބުނެދިނުމަށް އޭނާގެ ގާތުން އެދިފައެވެ.
