ޕްރިޔަންކާ ކައިވެންޏަށް ތައްޔާރުވާން ފަށައިފި
31 އޮކްޓޯބަރު 2018 | ބުދަ 03:24ޕްރިޔަންކާ ވަނީ އޭނާގެ އިންސްޓަގްރާމްގައި ފޮޓޯތަކާއި ވީޑިއޯތައް ހިއްސާކޮށްފައި
މަޝްހޫރު ފިލްމީތަރި ޕްރިޔަންކާ ޗޯޕްޅާ
ޕްރިޔަންކާ ޗޯޕްޅާ އާއި ނިކް ޖޯނަސްގެ ކައިވެނި އަންނަ ޑިސެމްބަރު މަހު 2 ގައި ކުރުމަށް ހަމަޖެހިފައިވާ ކަމަށް ރިޕޯޓްތައް ބުނެފައި ވަނިކޮށް ޕްރިޔަންކާގެ އާއިލާ އާއި ރަހުމަތްތެރިން މިވަނީ ނިއުޔޯކްގައި އޭނާގެ ބްރައިޑަލް ޝަވަރ ފާހަގަ ކޮށްފައެވެ.
ޕްރިޔަންކާ ވަނީ އޭނާގެ އިންސްޓަގްރާމުގައި ބްރައިޑަލް ޝަވަރ ފާހަގަކުރި ކުރި އިރު ނަގާފައިވާ ފޮޓޯތަކާއި ވީޑިއޯތައް ހިއްސާ ކޮށްފައެވެ.
ޕްރިޔަންކާގެ ބްރައިޑަލް ޝަވަރއަށް ދިޔަ ގާތް އެކުވެރިންގެ ތެރޭގައި ލުޕިޓާ ނަޔޯންގޯ އަދި ކެލީ ރިޕާގެ އިތުރުން ވެސް ގިނަ ރައްޓެހިން ހިމެނެއެވެ.
ފިލްމް މޭކަރ މުބީނާ ރެޓޯންސޭ އާއި އޭނާގެ އަންޖުލާ އަޗާރިއާއަށް ޕްރިޔަންކާ ވަނީ އެހާ ފުރިހަމަ ބްރައިޑަލް ޝަވަރއެއް ބާއްވަދީނީތީ ޝުކުރު އަދާކޮށްފައެވެ.
ޕްރިޔަންކާ ހިއްސާ ކޮށްފައިވާ ވީޑިއޯގައި އޭނާގެ މަންމަ މަދޫ ޗޯޕްޅާ އާއި ނިކްގެ މަންމަ އެޑެނީސް ރިޗާޑް އަދި އޭނާގެ އެކުވެރިންނާ އެކު ނަޝާ ވީޑިއޯއެއް ހިއްސާ ކޮށްފައެވެ. އޭގެ ތެރޭގައި ޕްރިޔަންކާގެ އެކުވެރި ހޮލީވުޑް ތަރި ލުޕިޓާ ނަޔޯންގޯ އަދި ކެލީ ރިޕާ ހިމެނެއެވެ.
ޕްރިޔަންކާގެ ބަރައިޑަލް ޝަވާގައި އޭނާ ލާފައި ހުރީ ގައުން އެކެވެ. އަދި ކަރުގައި ވަނީ ހިމަ ޑައިމަންޑް ނެކްލޭސްއެއް އަޅާފައެވެ.
އެންމެ ފަހުގެ ރިޕޯޓްތައް ބުނާ ގޮތުން ޕްރިޔަންކާ އާއި ނިކް ވަނީ އެ މީހުންގެ ކައިވެނީގެ ހަފްލާ ޖޯދްޕޫރުގައި ބާއްވަން ފައިނަލްކޮށްފައެވެ. ޕްރިޔަންކާ އާއި ނިކް ކައިވެނި ކުރުމަށް ހަމަޖެހިފައި ވަނީ މެހްރަންގަތު ފޯޓްގައި ކަމަށް ރިޕޯޓްތައް ބުނެއެވެ. ޕްރިޔަންކާ އާއި ނިކް އެންގޭޖް ކޮށްފައި ވަނީ މި އަހަރުގެ އޮގަސްޓް މަހުގެ 18 ގައެވެ. އެ ދެ މީހުންގެ އެންގޭޖްމެންޓް ހަފްލާ ބާއްވާފައި ވަނީ އިންޑިއާގެ ސަގާފަތާ އެއްގޮތަށް މުމްބާއީގައެވެ.
