189 މީހުންނާއެކު ދަތުރު ކުރި އިންޑޮނީޝިއާގެ މަތިންދާ ބޯޓު ވެއްޓިއްޖެ
މަތިންދާ ބޯޓު ވެއްޓިފައިވަނީ ހެނދުނުގެ ވަގުތެއްގައި
ފާތިމަތު ޝަނާ މުހައްމަދު | 29 އޮކްޓޯބަރު 2018 | ހޯމަ 04:14
ލަޔަން އެއަރ މަތިންދާ ބޯޓެއް
އިންޑޮނޭޝިއާގެ ޖަކާޓާއިން ޕަންގކަލް ޕިނޭންގް އަށް ދަތުރުކުރި މަތިންދާ ބޯޓު ވެއްޓިއްޖެއެވެ.
ލަޔަން އެއަރގެ ޖޭޓީ 610 މަތިންދާ އެ ބޯޓުން 189 މީހުން ދަތުރުކުރިއެވެ. މަތިންދާ ބޯޓު ޖަކާޓާގެ ސޮކާނޯ ހައްޓާ އިންޓަރނޭޝަނަލް އެއަރޕޯޓުން ނައްޓާލާފައި ވަނީ ހެނދުނު 06:21 ގައެވެ. އެމަތިންދާ ބޯޓް ރާޑަރުން ގެއްލުމަށް ފަހު، ފެނިފައިވަނީ އިންޑޮނޭޝިއާގެ އުތުރުން އޮންނަ ތައުސަން އައިލެންޑް ރިޖެންސީ ކައިރިންނެވެ.
މަތިންދާ ބޯޓު ވެއްޓިފައިވާއިރު އެ ބޯޓާ ގުޅޭ ތަފްސީލުތައް ސަރޗް އެންޑް ރެސްކިއު އޮތޯރިޓތަކުން އަދި ހާމައެއް ނުކުރެއެވެ.
މި މަތިންދާ ބޯޓު ވެއްޓިފައިވަނީ މޫސުން ގޯސްވުމުގެ ސަބަބުން ކަމަށް ނުބެލެވޭކަމަށް ކަމާ ގުޅޭ އިދާރާތަކުން ބުނެއެވެ.
