ވަޅި ޖެހުމުން ޒަޚަމްވި ކުއްޖާގެ ހާލު ސީރިއަސް
28 އޮކްޓޯބަރު 2018 | އާދީއްތަ 16:20ވަޅި ހަރާފައި ވަނީ ޒުވާން ފިރިހެނެއްގެ ގަޔަށް
ވަޅި ޖެހި ސަރަހައްދުގައި ފުލުހުން ހަރަކާތްތެރިވަނީ
ހެންވޭރު ބޮޑުތަކުރުފާނު މަގުގައި ހުންނަ ޕީޕީއެމް އޮފީސް ކުރިމަތިން ހޮނިހިރު ދުވަހު ވަޅިން ހަމަލާދީ ޒަހަމްކޮށްލި ކުއްޖާގެ ހާލު ސީރިއަސް ކަމަށް އޭޑީކޭ ހޮސްޕިޓަލުން ބުނެފިއެވެ.
އޭޑީކޭ ހޮސްޕިޓަލްގެ މީޑިއާ އޮފިޝަލް ރާއްޖެއެމްވީ އަށް ވިދާޅުވީ ވަޅި ހަރާލައި ޒަހަމްކޮށްލި ކުއްޖާ އަށް އެ ހޮސްޕިޓަލުން ފަރުވާ ދެމުންދާ ކަމަށާއި އެކުއްޖާގެ ހާލު ސީރިއަސް ކަމަށެވެ.
ނަމަވެސް ލިބިފައިވާ ޒަހަމްތަކުގެ ތަފްސީލެއް ނުދެ އެވެ.
މަންޒަރު ދުށް މީހަކު ބުނީ އެ ޒުވާނާ ދުއްވި ކަމަށް ބެލެވޭ ކަޅު ކުލައިގެ ސައިކަލެއް ވެސް އެ ހިސާބުގައި ވެއްޓިފައި އޮތްކަމަށެވެ. ވަޅި ޖަހައި ޒަހަމްކޮށްލާފައި ވަނީ މާލޭ ރިންގް ރޯޑުގައި ދުއްވާފައި އައި ސައިކަލެއްގައި އިން މީހެއްގެ މެޔަށެވެ. އޭނާ ނަގައިގެން ހޮސްޕިޓަލަށް ގެންދިޔައީ އެސަރަހައްދުގައި ތިބި މީހުންގެ އެހީތެރިކަމާއި އެކު ކަމަށްވެއެވެ.
