މަޖިލީސް މިނިވަންވި ކަމުގެ އުފާވެރި ޚަބަރު މިއަދު ލިބޭނެ: އަމީތު
އިއްޔެ މަސީހު ވަނީ މަޖިލީސް ތެރޭގައި ހުރި އަމިއްލަފުޅު ތަކެތި ނެރެ ސާފުކުރައްވާފައި
މަޑުއްވަރީ ދާއިރާގެ މެމްބަރު މުހައްމަދު އަމީތު
މަޖިލީސް މިނިވަންވިކަމުގެ އުފާވެރި ޚަބަރު މިއަދު ލިބޭނެ ކަމަށް މަޑުއްވަރީ ދާއިރާގެ މެމްބަރު މުހައްމަދު އަމީތު ވިދާޅުވެއްޖެއެވެ.
ރައްޔިތުންގެ މަޖިލީހުގެ ރައީސް އަބްދުﷲ މަސީހުގެ އިތުބާރު ނެތްކަމުގެ މައްސަލަލުމަށް ތައްޔާރުވަމުން ދާއިރު އަމީތު ކުރެއްވި ޓްވީޓެއްގައި ވިދާޅުވީ އަންގާރަ ދުވަހު 17:00 ގައި މަސީހުގެ ކޮޓަރިކޮޅުގައި ހުރި އަމިއްލަފުޅު ހުރިހާ އެއްޗެއް ނެރެ ސާފު ކޮށްފައިވާ ކަމަށެވެ.
މަސީހުގެ އިތުބާރު ނެތްކަމުގެ މައްސަލަ 51 މެމްބަރުންގެ ސޮޔާއެކު މިއަދު ހުށަހަޅަން ވަނީ ނިންމާފައެވެ. އޭގެ ތެރޭގައި ގުޅިފައިވާ ސިޔާސީ ޕާޓީތަކުގެ މަޖިލިސް މެމްބަރުންނާއި ޕީޕީއެމް އަދި އެމްޑީއޭއަށް ނިސްބަތްވެވަޑައިގަންނަވާ މެމްބަރުންވެސް ހިމެނިވަޑައިގަންނަވައެވެ.
މަސީހުގެ ވަކި ކުރުމުގެ މައްސަލާގެ އިތުރުން ކުރީގެ ރައީސް މުހައްމަދު ނަޝީދު މިނިވަން ކުރުމަށް ވެސް ގަރާރެއް މަޖިލީހަށް ހުށަހަޅާނެ އެވެ. އެގަރާރުގައި 41 މެމްބަރުން ވަނީ ސޮއި ކޮށްފައެވެ.
