ދިޕިކާ އާއި ރަންވީރަށް އިންޑިއާ ވަންތަ ގޮތަކަށް ޕްރިޔަންކާ މަރުހަބާ ކިޔައިފި
23 އޮކްޓޯބަރު 2018 | އަންގާރަ 16:45ޕްރިޔަންކާ ކޮމެންޓް ކޮށްފައިވަނީ ހިންދީ ބަހުން
ދިޕިކާ ޕަދުކޯން އާއި ރަންވީރު ސިންގް
މިދިޔަ އާދިއްތަ ދުވަހު ބޮލީވުޑްގައި އެންމެ ބޮޑު ޚަބަރުގެ ގޮތުގައި ފެތުރިގެން ދިޔައީ ދިޕިކާ ޕަދުކޯނާއި ރަންވީރު ސިންގް ކައިވެނިކުރާ ތާރީޚް އިއުލާން ކުރެވިގެން ދިޔަ ޚަބަރެވެ.
މި ޖޯޑު ކައިވެނި ކުރާ ތާރީޚް އިއުލާން ކުރުމާއި އެކު ބޮލީވުޑްގެ ގިނަ ފަންނާނުން ވަނީ މި ދެތަރިންނަށް މަރުހަބާ ކިޔާފައެވެ. މި ޖޯޑަށް މަރުހަބާ ކީ ތަރިންގެ ތެރެއިން އެންމެ ބޮޑަށް ފާހަގަ ވެގެންދިޔައީ މިވަގުތު ޔޫއެސްގައި ހުރި ޕްރިޔަންކާ އެ ދެތަރިންނަށް މަރުހަބާކީ އިންޑިއާ ވަންތަ ގޮތެވެ.
ޕްރިޔަންކާ ވަނީ ކައިވެނީގެ ތާރީޚް އިއުލާން ކޮށް ރަންވީރު އެނާގެ އިންސްޓަގްރާމްގައި ކޮށްފައިވާ ޕޯސްޓަށް ކޮމެންޓް ކޮށްފައެވެ.
ޕްރިޔަންކާ ލިޔެފައި ވަނީ ""ޔޭ!!! ތޫ ހީރޯ ބަންގަޔާ ރަންނޯ" އެވެ. ރަންވީރު ބަތަލަކަށްވީ ކަމަށެވެ.
މީގެ އިތުރުން ދިޕިކާގެ ޕޯސްޓަށް ވެސް ޕްރިޔަންކާ ވަނީ ކުރީގެ ހިންދީ ފިލްމެއްގެ ލަވައެއްގެ ތަންކޮޅެއް ލިޔެ ކޮމެންޓް ކޮށްފައެވެ.
ހާޓް އިމޯޖީ އަކާއި އެކު ޕްރިޔަންކާ ލިޔެފައި ވަނީ " ވޫ ވޫ!! ޕިޔާ ކި އާޔޭގީ ބަރާތް" އެވެ.
އާދިއްތަ ދުވަހު މި ދެތަރިން ވަނީ ޓްވިޓާ އަދި އިންސްޓަގްރާމް މެދުވެރިކޮށް އަންނަ ނޮވެމްބަރު މަހުގު 14 އަދި 15 ގައި ކައިވެނި ކުރާ ވާހަކަ އިއުލާން ކޮށްފައެވެ.
މި ކައިވެނީގެ އެނައުންސްމަންޓް މި ދެތަރިން ވަނީ އިނިގިރޭސި ބަހުންނާއި ހިންދީ ބަހުން ހިއްސާ ކޮށްފައެވެ.
ކައިވެނި ކުރާ ތާރީޚް ހިއްސާ ކުރި ނަމަވެސް ކައިވެނި ކުރާނެ ވަކި ތަނެއް ހާމަ ކޮށްފައެއް ނުވެއެވެ.
ޕްރިޔަންކާވެސް މިވަގުތު ދަނީ އަންނަ ޑިސެމްބަރު އޭނާގެ ކައިވެނި އެމެރިކާގެ ލަވަކިޔުންތެރިޔާ ނިކް ޖޯނަސް އާއި ކުރުމަށް ތައްޔާރީތައް ވަމުން ކަމަށް ޚަބަރުތައް ބުނެއެވެ.
ރިޕޯޓްތައް ބުނާ ގޮތުން މި ދެމީހުންގެ ކައިވެނި ކުރުމަށް ހަމަޖެހިފައި ވަނީ ޖޯދްޕޫރް ގައެވެ.
