ސުޕްރީމް ކޯޓުގެ ހުކުމާއެކު މާޔޫސްކަމުން ހިނިތުންވުމަކަށް!

މުޅި ދިވެހިރާއްޖޭގެ ރައްޔިތުން އިންތިޒާރު ކުރަމުން ދިޔައީ ރިޔާސީ އިންތިޚާބު ނަތީޖާ ބާތިލް ކުރަން ރައީސް އަބްދުﷲ ޔާމީންގެ ފަރާތްޕުޅުން ސުޕްރީމް ކޯޓަށް ހުށަހަޅާފައިވާ މައްސަލައިގެ ހުކުމް އަންނާނެ ވަގުތަކަށެވެ.

ރާއްޖޭގެ ޝަރުއީ ނިޒާމުގެ ކަންތައްތައް ދާ ގޮތުން ރައްޔިތުންނަށް އިންސާފެއް ލިބިގެންދާނެ ކަމާއި މެދު ގިނަ ބަޔަކު ތިބީ ޝައްކެއްގެ މަތީީގައެވެ.

ސުޕްރީމް ކޯޓްގައި އާދީއްތަ ދުވަހު އެކެއް ޖެހިއިރަށް އެ މައްސަލަ ތާވަލް ކުރެވުމާއެކު މުޅި ގައުމު އިންތިޒާރުގައި ތިބީ ހުކުމް އިއްވާނެ ވަގުތަކަށެވެ. އެއްބަޔަކު ކޯޓު ސަރަހައްދުގަ އެވެ. އަނެއް ބަޔަކު ޓީވީ ފެންނަ ފަށުގަ އެވެ. ނުވަތަ ސޯޝަލް މީޑިއާއިން ލައިވް އަޕްޑޭޓް ބެލުމުގަ އެވެ.

އިންތިޚާބުގެ ބާތިލުކުރަންޖެހޭ ސަބަބެއް އޮތް ކަމަށް އަޣުލަބިއްޔަތު ރައްޔިތުން ގަބޫލު ނުކުރިޔަސް، މީގެ ކުރިން ކޯޓުތަކުން އަމަލުކޮށްފައިވާ ގޮތުން، ރައީސް ޔާމީން ހުށަހެޅުއްވި އިންތިޚާބު ބާތިލުކުރުމުގެ މައްސަލަ ނިންމާނެ ގޮތަކާމެދު ގިނަ ބަޔަކު ދިޔައީ ސުވާލު އުފައްދަމުންނެވެ. އިންތިޚާބު ބާތިލުކޮށްފާނެ ކަމަށް ގަބޫލުކުރި މީހުން ވެސް މަދެއް ނޫނެވެ. ނަމަވެސް އެންމެ ފަހުން ނިމުން އައީ ރައްޔިތުން އެދޭ ގޮތަށެވެ.

އިންސާފަށް ލޯބިކުރާ ދިވެހިންނަށް ހަޤީޤަތުގައިވެސް އިންސާފު ލިބިއްޖެ ކަމުގެ ޝުއޫރުތަށް އެ މީހުން އަންނަނީ ބަންޑުކޮށްލަމުންނެވެ. ފެނިގެން ދިޔައީ މުޅި މީސްމީޑިޔާގައި ސިޔާސީ ފަރާތްތަކުންނާއި، އާންމު ރައްޔިތުން އެއް ހަމައެއްގައި އެމީހުންގެ ޝުއޫރުތަ ބަންޑުންކޮށްލަމުން ދިޔަ މަންޒަރެއެވެ.

ކޯޓްގެ ނިންމުމުން ދިވެހިންނަށް އުފާލިބިއްޖެ ކަމުގެ އިހްސާސް އޭނާގެ މީސްމީޑިޔާ އެކުންޓުގައި ހިއްސާކުރައްވަމުން ހަސަން ބުނެފައިވަނީ 21 އޮކްޓޯބަރުގައި ކޯޓްއިން އުފާ ލިބިއްޖެ ކަމަށެވެ.

23 ސެޕްޓެމްބަރުގައި ބޭއްވުނު ރިޔާސީ އިންތިކާބު ބާތިލް ކުރަން ރައީސް ޔާމީންގެ ފަރާތްޕުޅުން މައްސަލައެއް ސުޕްރީމް ކޯޓްއަށް ހުށަހެޅުއްވުމާއެކު ގިނަ ރައްޔިތުންނަށް ލިބިގެން ދިޔަ މާޔޫސް ކަމަށް ހިތްހަމަޖެހުމެއް ލިބިގެން ދިޔައީ ސުޕްރީމް ކޯޓުގެ ހުކުމާއެކުއެވެ. ސުޕްރީމް ކޯޓްގެ ހުކުމާއި ގުޅިގެން ލީލާ ޝުއޫރު ހިއްސާކޮށްލަމުން ބުނެފައިވަނީ މިއަދު ފެނިގެން ދިޔައީ ދިވެހިންނަކީ ސުލްހަ މަސަލަސް ކަމާއި ފަރުދީ މިންވަރަށް ލޯބިކުރާ މިންވަރު ކަމަށެވެ.

ޤައުމެއްގެ އެންމެ ބާރުގަދަ މީހުންނަކީ އެ މީހުންގެ ރައްޔިތުންކަމާއި ރައްޔިތުންގެ މަސައްކަތަށް ކާމިޔާބު ލިބިއްޖެ ކަމަށް ޓުވީޓް ކުރައްވަމުން މަޝްހޫރު ސޯޝަލް މީޑިޔާ އެކްޓިވިސްޓު ޝައްމޫން ޖަލީލް ކޮށްފައިވާ ޓުވީޓެއްގައި ބުނެފައިވަނީ ރައްޔިތުން މޮޅުވެއްޖެ ކަމަށެވެ.

ހާސްކަންމަތީ ތިބި ރައްޔިތުންނަށް އަދި ކިރިޔާ ހަމަޖެހިލެވުނީ ކަމަށް ބުނަމުން ހުސެއިން މުނައްވަރު ބުނެފައިވަނީ އަދި ކިރިޔާ ހަމަޖެހިލެވުނީ ކަމަށާއި،ހައްގަށް ނަސްރު ލިބިގެން ހިގައްޖެ ކަމަށެވެ.

ސުޕްރީމް ކޯޓްގެ މި ނިންމުމާއެކު އެކަކު އަނެކަކަށް ފާޑުކިޔާ ރުޅިވެރިކަން މި ވަގުތު އިސްކުރުން ބުއްދިވެރި ނޫން ކަމަށް ބުނަމުން ބަދުރުއްދީން ބުނެފައިވަނީ ދެން އެކަކު އަނެކަކަށް ފުރައްސާރަކުރުމުގެ ބޭނުމެއް ނެތް ކަމަށެވެ.

މިފާހަގަކުރީ ބައެއް ފަރާތްތަކުގެ ޝުއޫރެވެ. މުޖުތަމައުގެ އެކި ފަންތިތަކާއި ގިންތިތަކުގެ މީހުން ދަނީ މި ލިބުނު އުފާ ހިއްސާކުރަމުންނެވެ. އަނިޔާވެރިކަން ނިމިއްޖެ ކަމުގެ ހިތްހަމަޖެހުމާއެކު އެވެ.