ޔުނައިޓަޑް ފުޑް ސަޕްލައިސްގެ ފަރާތުން ރަހަބެލުމުގެ ހަރަކާތެއް ކުރިއަށް ގެންގޮސްފި
ކޮންމެ މަހަކު އެއްފަހަރު ރަހަބެލުމުގެ ހަރަކާތެއް ކުރިއަށް ގެންދާނެ
ޔުނައިޓަޑް ފުޑް ސަޕްލައިސްގެ ފަރާތުން ބޭއްވި ހަރަކާތުގެ ތެރެއިން
ޔުނައިޓަޑް ފުޑް ސަޕްލައިސްގެ ފަރާތުން އެ ފިހާރައިގެ ޕްރޮޑަކްޓްސްތަކުގެ ރަހަބެލުމުގެ ހަރަކާތެއް ކުރިއަށް ގެންގޮސްފިއެވެ.
މި ހަރަކާތް ބާއްވާފައި ވަނީ ހާޖީ ބިލްޑިންގް ކައިރީގައި ހުންނަ ޔުނައިޓަޑް ފުޑް ސަޕްލައިސް ފިހާރައިގައެވެ. މި ހަރަކާތް ކުރިއަށް ގެންގޮސްފައި ވަނީ ހޮނިހިރު ދުވަހުގެ ރޭ 8:00 އަކުން 10:00 އަށެވެ.
އެ ހަރަކާތުގެ ދަށުން ރަހަ ބަލާލުމުގެ ފުރުސަތު ހުޅުވާލާފައި ވަނީ އެމީ ބްރޭންޑްގެ ޔޯގަޓްއާ ކްރޮޕްސް ބްރޭންޑްގެ ސްމޫތީސްގެ އިތުރުން ހެސްޓަން ބްރޭންޑްގެ ބޭކަރީ ޕްރޮޑަކްޓްތަކުގައެވެ.
މި އިވެންޓު އަބްސީގެ ލައިވް މިއުޒިކް ޝޯއަކާ އެކު ކުރިއަށް ގެންގޮސްފައިވާއިރު މި އިވެންޓަކީ ވަރަށް ކާމިޔާބު އިވެންޓެއް ކަމަށް އެ ފަރާތުން ބުނެއެވެ.
ޔުނައިޓެޑް ފުޑް ސަޕްލައިސްގެ އެސިސްޓަންޓް މެނޭޖަރ ހަސަން ސައީދު ވިދާޅުވީ މިއީ ދުޅަހެޔޮ ކޮންސެޕްޓްގެ ދަށުން ރާއްޖޭގައި އެ ފަރާތުން ވިއްކާ ކާނާގެ ބާވަތްތައް ތައާރަފުކުރުމަށާއި އެ ބަވާތްތަކުގެ ރަހަ ބަލާލުމުގެ ފުރުސަތު ހުޅުވާލުމަށް ބާއްވާ ހަރަކާތެއް ކަމަށެވެ.
"ކަސްޓަމަރުންގެ ފީޑްބެކް ވަރަށް ރަނގަޅު. އަޅުގަނޑުމެންގެ ޔޯގަޓް އެއްފަހަރު ގަންނަ ފަރާތުން ހަމަ ތަކުރާރުކޮށް ވެސް ގަންނަމުން އެބަދޭ،" ހަސަން ވިދާޅުވިއެވެ.
ޔުނައިޓަޑް ފުޑް ސަޕްލައިސްގެ ފަރާތުން ކޮންމެ މަހަކު އެއްފަހަރު ރަހަބެލުމުގެ ހަރަކާތެއް ކުރިއަށް ގެންދާނެ ކަމަށް އެ ފަރާތުން ބުނެއެވެ.
