ރަޝިއާގެ ބައެއްގެ ގޮތުގައި ބަލާ ކްރައިމިއާގެ ކޮލެޖެއްގައި ހިނގި ބަޑި ޖެހުމުގެ ހާދިސާ އެއް ގައި މަދުވެން 19 މީހުން މަރާލައި 24 އަށް ވުރެ ގިނަ މީހުން ޒަޚަމް ކޮށްލައިފިއެވެ.

ރަޝިއާގެ އިންވެސްޓިގޭޓަރުން ބުނެފައި ވަނީ ކަރޗްގެ ޓެކްނިކަލް ކޮލެޖްގެ އުމުރުން 18 އަހަރުގެ ދަރިވަރަކު އެ ކޮލެޖްގެ ދަރިވަރުންނަށް ބަޑިން ހަމަލާދެމުން ދުވުމަށްފަހު އޭނާ އަމިއްލައަށް މަރުވެފައި ވާކަމަށެވެ.

މަންޒަރު ދުށް މީހަކު ބުނެފައިވާ ގޮތުގައި ބަޑީގެ ހަމަލާގެ ކުރިން ގޮތް ނޭނގޭ އެއްޗެއް ގޮއްވާލާފައި ވާކަމަށެވެ.

ޔޫކްރެއިންގެ ބައެއްގެ ގޮތުގައި އޮތް ކްރައިމިއާ ރަޝިއާ އިން އަތުލާފައި ވަނީ 2014 ވަނަ އަހަރުއެވެ. ހުޅަނގުގެ ބާރުތަކުން ވަނީ އެކަން ކުށްވެރިކޮށްފައެވެ.

ތަފްސީލްތައް އަދިވެސް ލިބެމުންދާއިރު ފުށުއަރާ ރިޕޯޓްތައް ވެސް ވެއެވެ. 

ހަމަލާ ދިން ކަމަށް ތުހުމަތުކުރެވޭ ވްލާޑިސްލާވް ރޯސްލިޔަކޯވް ދިޔައީ ކެންޓީން ކައިރިން ފެށިގެން ފަހަރަކު ކޮޓަރި އަކަށް ހަމަލާދެމުން ކަމަށެވެ. ރަޝިއާގެ ތަހުގީގު ޓީމުން ބުނެފައި ވަނީ އޭގެ ފަހުން އޭނާ އަމިއްލަ ގަޔަށް ބަޑިޖަހައި މަރުވީ ކަމަށެވެ.

ރަޝިއާގެ މީޑިއާގައި އޭގެ ފަހުން ދައުރުވި ފޮޓޯތަކުން ފެންނަ ގޮތުގައި ހަމަލާދިން މީހާގެ ހަށިގަނޑު އޮތީ ކޮލެޖްގެ ލައިބަރަރީގައެވެ.

ތަހުގީގު ކޮމިޓީން ފުރަތަމަ ހޯދި ހޯދުންތަކުން އެނގުނު ގޮތުގައި އެންމެން މަރުވެފައިވަނީ ބަޑީގެ ވަޒަން އަރައިގެންނެެވެ.ނަމަވެސް ބައެއް ރިޕޯޓްތައް ބުނާގޮތުގައި އެ މީހުން މަރުވެފައިވަނީ ތޫނު އެއްޗަކުން ހަމަލާދީގެންނެވެ.

ވޮކޭޝަނަލް ޓްރެއިނިންގ ކޮލެޖެއްގެ ގޮތުގައި ހިންގާ ކޮލެޖްގައި ފުރާއުމުގެ 850 ދަރިވަރުން ކިޔަވަަމުންދެއެވެ. ކަރޗްގެ އޮފިޝަލަކު ވިދާޅުވީ މަރުވެފައިވަނީ ގިނައިން ދަރިވަރުންކަމަށެވެ.

މަދުވެގެން 40 މީހުން ޒަޚަމްވެފައިވާއިރު ޒަޚަމްވި މީހުން ހޮސްޕިޓަލްތަކަށް ގެންދިއުމަށް އިމަރޖެންސީ އޮޕަރޭޝަނެއްވަނި ފަށާފައެވެ.