ފޭރުމުގެ މައްސަލައަކާ ގުޅިގެން މީހަކު ހޯދަނީ
ފުލުހުން ވަނީ އެ މީހާގެ ސީސީޓީވީ ފޫޓޭޖް އާއްމުކޮށްފައި
ފޭރުމުގެ މައްސަލާގައި ފުލުހުން ހޯދާ މީހާ
ފޭރުމުގެ މައްސަލައަކާ ގުޅިގެން ފުލުހުން މީހަކު ހޯދަން ފަށައިފިއެވެ.
ފުލުހުން ބުނެފައި ވަނީ އެ މީހާ ހޯދަމުން ދަނީ ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުން ތަހުޤީޤު ކުރަމުންދާ، ފޭރުމުގެ މައްސަލައަކާ ގުޅިގެން ކަމަށެވެ.
ފުލުހުން އެ މީހާގެ އެއްވެސް މައުލޫމާތެއް ހާމަނުކުރި ނަމަވެސް އެ މީހާ ފޭރޭ މަންޒަރުގެ ފޫޓޭޖެއް ވަނީ އާންމުކޮށްފައެވެ. އެ ފޫޓޭޖުން ފެންނަ ގޮތުގައި އެ މީހާ މަގުމަތީގައި މަޑުކޮށްލައިގެން ހުރެފައި ސުކޫލް ކުއްޖެއް ހިނގާފައި އަންނަނިކޮށް ވަނީ އެ ކުއްޖާގެ އަތުގައި އޮތް ސިޓީ އުރައެއް ކަމަށް ބެލެވޭ އެއްޗެއް ފޭރިގަނެފައެވެ.
އެ މީހާއާ ބެހޭ އެއްވެސް މައުލޫމާތެއް ލިބިފައިވާ ނަމަ ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަމްބަރު 9631696 އަށް ގުޅުއްވައި ހިއްސާ ކުރުމަށް ފުލުހުން ވަނީ އެދިފައެވެ.
