އިންތިޚާބު ކާމިޔާބުކުރެވުމުގެ އުފާފާޅުކުރުން މައްޗަންގޮޅިން ތަފާތު ހަރަކާތެއް
17 އޮކްޓޯބަރު 2018 | ބުދަ 16:03ޖުމްހޫރީ ޕާޓީގެ ލީޑަރ ގާސިމް އިބްރާހިމް އާއި މައްޗަންގޯޅި އުތުރު ދާއިރާގެ މެމްބަރު މާރިޔާ އަހްމަދު ދީދީ ބައިވެރިވެވަޑިގެންނެވި
މައްޗަންގޯޅީ ގައި ބޭއްވުނު އުފާފާޅު ކުރުންތަކުގެ ތެރެއިން އިންތިޚާބީ ރައީސް ސޯލިހު ސަޕޯޓަރުންނާއެކު
ރިޔާސީ އިންތިޚާބުގައި ގުޅިފައިވާ ޕާޓީތަކުގެ ކެންޑިޑޭޓް އިބްރާހީމް މުހައްމަދު ސޯލިހް ހޯއްދެވި ކާމިޔާބީ ފާހަގަކުރަން މައްޗަންގޯޅި އުތުރު ދާއިރާގެ ރައްޔިތުން ތަފާތު ހަފުލާ އެއް ބާއްވައިފިއެވެ.
ޗާންދާނި މަގާއި އަމީނިއްޔާ ސްކޫލުގެ ކުރިމަތީގައި ބޭއްވި މި ހަފުލާއަށް އިބްރާހިމް މުހައްމަދު ސޯލިހާއި ފައިސަލް ނަސީމް އަދި ޖުމްހޫރީ ޕާޓީގެ ބާނީ ގާސިމް އިބްރާހިމް ވަޑައިގަތުމުން، އެ ބޭފުޅުންނަށް މަރުހަބާ ކިޔާފައި ވަނީ ރަސްރަސް ކަލުންނަށް މަރުހަބާ ކިޔާ ފެންވަރުގަ އެވެ. މި ހަފުލާގައި މައްޗަންގޮޅީ އުތުރު ދާއިރާ ތަމްސީލުކުރައްވާ ރައްޔިތުންގެ މަޖިލީހުގެ މެމްބަރު މާރިޔާ އަހްމަދު ދީދީ ވެސް ހިމެނެ އެވެ.
ޖަޒީރާވަންތަ ގޮތަކަށް ހަފުލާ ތައްޔާރު ކޮށްފައިވާ އިރު، އިހުޒަމާނުގައި ދިވެހިން ކޮށް އުޅުނު މަސައްކަތާއި އިހުގެ ބައެއް ކުޅިވަރުތައް ވެސް ދައްކާލުން އޮތެވެ. މުނިފޫހި ފިލުވުމަށް ބޮޑުބެރުގެ ހަރަކާތްތައް ކުރިއަށް ގެންދިޔަ އެވެ.
އިންތިޚާބީ ރައީސްގެ އާދަ ހުންނަވާ ގޮތުން މައްޗަންގޮޅީ އުތުރު ދާއިރާގެ ރައްޔިތުންގެ އިންތިޒާމުު ކުރި އިވެންޓްގައި ވެސް ގިނަ އަދަދެއްގެ ބަޔަކާ އެކު ފޮޓޯ ނެގުން ކުރިއަށް ގެންދިޔަ އެވެ.
ރިޔާސީ އިންތިޚާބުގައި 58.4 ޕަސެންޓް އިބްރާހިމް މުހައްމަދު ޞާލިޙް ކާމިޔާބު ކުރެއްވިއިރު، ހުވާކުރެއްވުމަށް ދައުލަތު މުވައްސަސާތަކުން ދަނީ މަސައްކަތްކުރަމުންނެވެ.
