ގޯއެއަރގެ ދަތުރުތައް އާދިއްތަ ދުވަހު ރާއްޖެއަށް ފަށަނީ

އިންޑިއާގެ ބަޖެޓް އެއާލައިން، ގޯއެއަރގެ ދަތުރުތައް އޮކްޓޯބަރު 14 ވަނަ ދުވަހު ރާއްޖެއަށް ފަށަން ނިންމައިފިއެވެ.

ގޯއެއަރއަކީ އިންޑިއާގެ މުމްބައިގައި ޤާއިމުކޮށް ހިންގާ އެއަރލައިނަކަށް ވާއިރު އެއީ އިންޑިއާގައި ފަސް ވަނަ އަށް އެންމެ ބޮޑު އެއަރލައިނެވެ. އެ އެއަރލައިން ދަތުރުތައް ކުރަނީ އިކޮނޮމީ އަދި ބިޒްނަސް ކުލާހުގެ އެއަރބަސް A320 ގެ ފްލީޓަކުންނެވެ.

މުމްބާއި އިން މާލެ އަށް އަދި މާލެ އިން މުމްބާއީ އަށް ހަފްތާއަކު ތިން ފްލައިޓް ގޯ އެއަރ އިން އޮޕަރޭޓް ކުރުމަށް ވަނީ ހަމަޖެހިފައެވެ. މުމްބާއީ ދެކޮޅު ދަތުރުގެ އަގުތައް ފެށޭނީ 242 ޑޮލަރުންނެވެ. އަދި ގޯ އެއަރގެ ފްލައިޓްތައް ދިއްލީ އިން މާލެ އަށް އަދި މާލެ އިން ދިއްލީ އަށް ހަފްތާއަކު ދެ ދަތުރު ކުރުމަށް ހަމަޖެހިފައިވާ އިރު ޓިކެޓްގެ އަގަކީ 274 ޑޮލަރެވެ.

ގޯއެއަރއަކީ އިންޑިއާގެ މަޝްހޫރު ވަދީއާގެ ގްރޫޕްގެ ކުންފުންޏެކެވެ. އެ އެއަރލައިން އުފައްދާފައިވަނީ 2005 ވަނަ އަހަރުއެވެ. ފާއިތުވި މުއްދަތުގެ ތެރޭގައި އެ އެއަރލައިން އޮޕަރޭޓް ކުރަމުން ދިޔައީ އެތެރޭގެ އުދުހުންތަކުގައެވެ.

ރާއްޖެ ހިމެނޭ ގޮތަށް ނުވަ ގައުމަކަށް ދަތުރުކުރުމުގެ ހުއްދަ 2016 ވަނަ އަހަރުގެ ތެރޭގައި ގޯއެއަރ އަށްދީފައި އޮތް ނަމަވެސް، މިހާތަނަށް އަދި ބޭރުގެ ގައުމުތަކަށް ދަތުރުތައް ނުފަށައެވެ. މުމްބާއީ އާއި ރާއްޖެއާ ދެމެދު ފަށާ ދަތުރުތަކަކީ ބޭރުގެ ގައުމަކަށް އެ އެއަރލައިނުން ފަށާ ފުރަތަމަ ދަތުރުތަކެވެ.

ޖުމްލަ 31 މަތިންދާބޯޓުގެ ފްލީޓެއް އޮންނަ ގޯއެއަރ އިން ރާއްޖެއަށް ދަތުރުތައް ފެށުމާއެކު އެ އެއަރލައިން ވެގެންދާނީ ބޭރުގެ މަންޒިލްތަކަށް ދަތުރުކުރާ އިންޑިއާގެ ހަވަނަ އެއަރލައިނަށެވެ. މިހާރުވެސް، އެއަރ އިންޑިއާ އާއި، އަލް އެކްސްޕްރެސް، ޖެޓް އެއަރވޭސް، އިންޑިގޯ، އަދި ސްޕައިސް ޖެޓުން ދަނީ ބޭރުގެ މަންޒިލްތަކަށް ދަތުރު ކުރަމުންނެވެ.

ގޯއެއަރގެ ޖީއެސްއޭ އޭޖެންޓަކީ ވޮޔޭޖަސް މޯލްޑިވްސްއެވެ.