ބުދަ 22 މެއި 2019
03 ރޯނު
1440 ރަމަޟާން 17
ފަތިސް 04:35
އިރުއަރާ 05:51
މެންދުރު 12:07
އަސްރު 15:28
މަޣްރިބް 18:14
އިޝާ 19:31
ކުޅިވަރު - ހެންރީ

މޮނާކޯގެ ކޯޗަކަށް އޮންރީ

  • އެސްޓަން ވިލާގެ ކޯޗަކަށް ވެސް ޝޯޓްލިސްޓު ކުރި

އަހުމަދު ފައިރޫޒު
Ahmed_Fairoox

ކ. މާލެ 12 އޮކްޓޯބަރ 2018 | ހުކުރު 20:07 1,370

އޮންރީ އާސެނަލްގެ ޕްރެކްޓިސްގައި -

ފްރާންސާއި ބޮޑެތި ކުލަބުތަކުން ފެނިގެންދިޔަ ކުރީގެ ތަރި ތިއެރީ އޮންރީ މޮނާކޯގެ ކޯޗަކަށް ގެންނަން ވާހަކަ ދެކެވިފައިވާ ކަމަށް ރިޕޯޓްތައް ބުނެފި އެވެ.

ނިމިގެން ދިޔަ ވޯލްޑް ކަޕުގައި ވާދަކުރި ބެލްޖިއަމްގެ ގައުމީ ޓީމުގެ އެސިސްޓަންޓް ކޯޗަކަށް މަސައްކަތްކުރި އޮންރީ ސީނިއާ ކެރިއަރު 1994 ވަނަ އަހަރު ފެށީ މޮނާކޯ އިންނެވެ.

މޮނާކޯގެ ކޯޗަކަށް އޮންރީ ގެންނަން ނިންމާފައިވާ ކަމުގެ އަޑުތަކެއް ފެތުރިފައި މި ވަނީ މި ސީޒަނުގައި މޮނާކޯ އިން ނެރެމުން އަންނަ ދަށް ނަތީޖާތަކުގެ ސަބަބުން އެކުލަބުގެ ކޯޗު ލިއަނާޑޯ ޖާޑިމް މަގާމުން ވަކި ކުރަން އުޅޭ ކަމަށް ފްރާންސްގެ ނޫސްތަކުން ރިޕޯޓް ކުރުމާއި ގުޅިގެންނެވެ.

އުމުރުން 41 އަހަރުގެ އޮންރީ ވަނީ އެސްޓަން ވިލާގެ ކޯޗުގެ މަގާމަށް ވެސް ޝޯޓް ލިސްޓްކޮށްފައެވެ. ނަމަވެސް އެ މަގާމު ހަވާލުކުރީ ޖޯން ޓެރީ އާއި ޑީން ސްމިތާ އެވެ.

މޮނާކޯއާ 2014 ވަނަ އަހަރު ހަވާލުވި ޖާޑިމް އެ ޓީމަށް ހޯދައި ދިން ހަމައެކަނި ކާމިޔާބަކީ 2017 ވަނަ އަހަރުގެ ފްރެންޗް ލީގެވެ.

އެ އަހަރު ޗެމްޕިއަންސް ލީގުގެ ސެމީ ފައިނަލަށް ގެންގޮސްދިނެވެ. އެކަމަކު ގިނަ ބަޔަކު އޭނާ ފާހަގަކުރަނީ ކީލިއަން އެމްބާޕޭ، ތޯމަސް ލޭމާ، ބެނާޑޯ ސިލްވާ އަދި ބެންޖަމިން މެންޑީ މެން ފަދަ ކުޅުންތެރިން ކުރިއެރުވި ކޯޗުގެ ގޮތުގަ އެވެ.

ޖާޑިމް އަށް ފަހު މޮނާކޯ އިން އެ ކްލަބުގެ ކޯޗުކަމުގެ މަގާމަށް ގެންނަން ޝައުގުވެރިވާ ފަރާތްތަކުގެ ލިސްޓުގެ އެންމެ ކުރީގައި އޮތީ އޮންރީ ކަމަށް ރިޕޯޓުތައް ބުނެއެވެ.

)

ގުޅުންހުރި ލިޔުންތައް:

އެންމެ ފަހުން އަޕްޑޭޓް ކުރީ: 2 ދުވަަސް ކުރިން | ރިވިއު ކުރީ: އަހްމަދުﷲ ޖަމީލް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

އެންމެ ފަހުގެ

ކޮމެންޓް