ސަރުކާރުގެ އިސް ބޭފުޅުންތަކެއް ފައިސާ ރައްކާކުރުމަށް ރާއްޖެއިން ބޭރަށް ފުރާތީ އަލީ ހުސައިން އެމައްސަލަ ޕޮލިހަށް ހުށަހަޅައިފިއެވެ.
އަލީ ހުސައިން ވިދާޅުވީ ސަރުކާރުގެ އިސް މަގާމުތަކުގެ އޮފިޝަލުންތަކެއް ސައުދީ އަރަބިއްޔާއަށް ފުރުމަށް ހަމަޖެހިފައިވާކަމުގެ މައުލޫމާތު ލިބިފައިވާ ކަމަށާއި އެމައްސަލަ ފުލުހަށް ހުށައަޅަން ބޭނުންވީ އެކަން ސަމާލުކަން ގެނައުމަށްޓަކައި ކަމަށެވެ.
As an MP, I urge the @MNDF_Official and @PoliceMv to stop the officials of the current govt taking large sums of money out of Maldives.
— Ali Hussain (@AleeVoice) October 10, 2018
އަލީ ހުސައިން ކޮށްފައިވާ ޓްވީޓެއްގައި ވިދާޅުވީ ރާއްޖެއިން ބޭރަށް ސަރުކާރުގެ އިސް ބޭފުޅުންތަކެއް ފައިސާ ރައްކާކުރުމަށް ފުރާ ކަމުގެ މައުލޫމާތު ލިބުމުން އެމައްސަލަ ފުލުހުންނާއި އެމްއެންޑީއެފްގެ ސަމާލުކަމަށް ގެންނަން ނިންމީ އެކަން ހުއްޓުވުމަށް ކަމަށެވެ.
ސޯޝަލްމީޑިއާގައި ބައެއް ފަރާތްތަކުން ބުނެފައިވާ ގޮތުގައި ސަރުކާރުގެ އިސްވެރިންތަކެއް ގިނަ އަދަދެއްގެ ފައިސާ ހިފައިގެން މިއަދު ރާއްޖެއިން ބޭރަށް ފުރުމަށް ވަނީ ހަމަޖެހިފައެވެ.
